أطيب تتبيلة لشوي دجاجة بالفرن
المكونات:دجاجة
3 ملاعق أكل كچب
3 ملاعق أكل لبن (زبادي)
3 ملاعق أكل خل أبيض
ملعقة چاي بهارات مشكلة
ملعقة چاي بابريكا
ملعقة چاي فلفل أسود
ملح حسب الرغبة
عصير ليمونتين
ملعقة أكل معجون طماطة
ربع إلى نص كوب زيت
3 فص ثوم مدكوك أو مفروم ناعم كلش
الطريقة:
نغسل الدجاجة زين وننظفها، ونسوي بيها شقوق خفيفة بالصدر والأفخاذ حتى تتشرب النكهة عدل.
نخلط كل مكونات التتبيلة بوعاء، وبعدين ندهن الدجاجة كلها من برّه ومن جوّه همين.
نغطيها ونخليها بالثلاجة أقل شي 5 ساعات، وإذا تبات ليلة كاملة يطلع طعمها أطيب بعد.
نحطها بصينية ونفرش السليفون، بالبداية نغطيها حتى ما تنشف.
تدخل فرن حار على 200 درجة:أول نص ساعة مغطاة.
بعدها نكشفها ونشغل من جوّه وفوك حتى تتحمّر وتصير لونها يشهي.
تاخذ تقريباً ساعة إلى ساعة وربع، حسب حجمها ونوع الفرن.ملاحظة: كل شوية ممكن تدهنها من الدهن مالها أو شوية من التتبيلة حتى تبقى طرية ومحمّرة عدل
