((حروف من الروح))

[مـــجيـّدالسيــــد]

لاتكلي احجي بصراحة
انته نفسك مو صريح
ولاتكلي حيل احبك
هذا حجيك موصحيح
انه اعرفك من زمان
خاين ومالك امان
انته بغيابي انتشيت
وانه بغيابك ذبيح
لاتكلي احجي بصراحة
انته نفسك مو صريح
.................................
جنت من تغيب ساعة
الكلب يسأل عليك
وبيك لو مرت مصيبة
اعتني للموت اجيك
هذا حبك وين جان
من عفتني بلا حنان
وانه كل ساعة ازورك
وجنت معتبرك ضريح
لاتكلي احجي بصراحة
انته نفسك موصريح
..........................
ما اصدك يوم افرح
وينكسر جنح الرياح
وما اصدك يوم توفي
والجذب عندك مباح
انه ما رايد جنان
انه بس رايد مكان
انسعد بيه واغني
وبيه دمعي مايطيح
لاتكلي احجي بصراحة
انته نفسك مو صريح
بقلمي
مجيد السيد

 

[مـــجيـّدالسيــــد]

من روحي جايبلك ورد

ومن عمري عالكلك شمع

ومن كلبي جايبلك خبر

ممنوع ينزل اي دمع

هليلة ليلة من العمر

بس مو مثل أي ليلة

بيهه الحلو مبتسم

وبيهه الحلو نغنيلة

هبي بي دي تو يو

نسمعها بصوت الربع

من روحي جايبلك ورد

ومن عمري عالكلك شمع

..............................

هواي اعياد بسنتنه

يبقى عيدك احلى عيد

جابو اشموع وصواني

واني انطيتك وريد

غنوا الاحباب غنوة

بيها زفولك تهاني

وانه حاير ياحياتي

وروحي نزلت بالصواني

وطفت اشموع الاحبه

والك صارتلك شمع

من روحي جايبلك ورد

ومن عمري عالكلك شمع

...............................

حلم ياعمري اشوفك

انته والبسمة حبايب

وعالبسمة لو خلوا ضريبة

عمر ادفعلك ضرايب

ياترف وين الكه مثلك

طيب وكلبك سمح

وياحلو نظرات عينك

تفكس اعيون الجرح

انته عنوان الاصالة

وانته عنوان النبع

من روحي جايبلك ورد

ومن عمري عالكلك شمع
.................................
اشكثر كالولك احبك

وحصدوا بحبك عذاب

وكتبوا الاف الرسائل

ومالكو عندك جواب

ادري انته ماتحبهم

وبيهم انته مبتلي

وأبد ماهمك غزلهم

وسلمت كلبك اللي

جنت انته كل حلمهم

وانته حاضرهم شلع

من روحي جايبلك ورد

ومن عمري عالكلك شمع

بقلمي

مجيد السيد

 

[مـــجيـّدالسيــــد]

ألـذلة من تكتب على الـما يدري بيك

 

[مـــجيـّدالسيــــد]

گليلي انتي منين من يــا سـلاله
يعــثر الشـافج گام حتــى بخياله .

 

[مـــجيـّدالسيــــد]

شـحلات الصـبح مـن يـهل ..
،،،، وعـيون التـحبة اتـصيرلك رايـة

 

[مـــجيـّدالسيــــد]

 

[مـــجيـّدالسيــــد]

دخلت بگلـبي

‏ بـس چنك سهـم مو خلّ

‏أذيه ابـظلتـك وبطلعتك #تكتل

 

[مـــجيـّدالسيــــد]

أوَكــلَّــمـا عَـــبَــقَ الــمــسـاءُ وغـــــرَّدا
وثَـبَتْ طـيوفُ الـحُلْمِ فـي جفْنِ المدَى
وتـصـاعـدَتْ فـــي الـمُـقـلتينِ كـغـيـمةٍ
أرخـت عـلى الـخدين منْ قـطر النــدى
فـكـأنَّـمـا يـــا غــيـم تــبـكـي مَــوعِـداً
مــا كــانَ أجـمـل أنْ يـــكـونَ مــجددَا
تـمــضي كما أمـضي عليَّ مِنَ الجــوى
قـلـبي الـنداء ومِـلء أنـــفاسي صـدى

 

[مـــجيـّدالسيــــد]

 

[مـــجيـّدالسيــــد]

الحياة .. أشبه بذلك .. المطار الگبير ..
الناسُ فيها .. مُسافرون ..
بعضهم قادمون .. وبعضهم .. راحلون ..
نجد البعض يترك فراغاً گبيراً .. لغيابه ..
والبعض .. حضووووره أشبه بغيابه !
والبعض .. هو الحاضر الغائب .. !
فمهما غاب عن أعيننا فهو حاضر فى قلوبنا دائماً...