Laraa

نعم لذلك اني ما اصدق بالشباب من يكولون احنه ملحدين اشوف طريق الالحاد طويل جداً ويحتاج عمر طويل من البحث و التنقيب

احترم وجهة نظرج , للاسف ما تشرفت بقراءة المقال بس اتمنى اشوفه

هي الفكرة مو بمراعاة شعور الاخرين بقدر ما هي تقبل فكرة الآخر انا اليوم من اشوف شخص ما يشاركني الميول ما يحتاج اسخف من افكارة لان اكيد هو عايش ببيئة مختلفة عني اكو من يعتبر مجرد الحديث بهيج مواضيع هو كفر واكو من يعتبر (اني شخصياً) ان اغفال هيج مواضيع هو الخطأ لازم كلشي نفهمه حتى نصفية من الشوائب الفكرية

اخت عزيزة وغالية يا لارا سعيد جداً بحديثكِ و معجب جداً بطرحكِ , تحياتي للآسرة الكريمة و للبنوتة الجميلة
ولا يهمك كلنه نعاني من النت , تشرفت بيج , وانتِ من اهل الخير

هذه قناعة عندك و تحترم اكيد لكن اني اشوف انه عقلي مستحيل يستوعب كل هاي الاحاديث المتناقضة و الروايات و الخرافات , اكيد اكو شيء غلط , لذلك حاولت اخذ الدين كمادة خام بدون اضافات الطوائف و رجال دين , يبقى كلشيء محل تشكيك و نقد لذلك مستحيل تلكين شيء يقنعك 100% لازم تحاولين تنتقين المعلومة وتتاكدين من المصدر , المقربين مني يكلولي انت واكف على بعد شعرة من الالحاد ههه و لكن اني اشوف نفسي بعيد كل البعد عن الالحاد , اعقتد مو كل واحد يفكر معناها خرج عن الدين ولا كل واحد يؤمن بمعتقد معناها رجعي و متخلف , و دائماً احاول ما اخلي فكرة اعتناقي لدين او لا دين مبنية على ردة فعل من موقف مع شخص او موقف يحصل بحياتي اليومية , قد تشوفين افكاري غريبة بعض الشيء بس اني هيج هههه

اسلوبك مو مستفز ابداً (بالنسبة الي) لان اتوقع سبق ودار بينه نقاش , لكن اني اشوف اسلوبج عدائي جداً , و لو اي واحد يحاورج بـ اسلوبج اكيد ماراح يكتمل النقاش ممكن يتحول الى منعرج آخر , اذا ما تحبين تسميه عدائي خلي نجمله ونكول لاذع جداً هههه , و اتوقع هذا هو سبب صداماتج ويا الاعضاء هناك , لانهم بعدهم ما مستوعبين فكرة السملم يخرج عن الدين و فوكاها تجين تحجين على دينهم ! مو زين ما رجموج يمعودة هههه

رجعت بس مجردة من كل الصلاحيات , لان المشرفين سووا اعتصام حتى ترجع فـ بس باللون رجعت لكن الادارة انسحبت منها
بصراحة اني ماعندي علاقة بسامر وماحاجين غير لو مرة لو مرتين بس هيج اخذت فكرة عنه

اني اعتبر نفسي اسلامي معتدل , فاهم الاسلام بشكل قد يفسره البعض (لاديني) لكن اني اشوف الاسلام من زاوية اخرى , قرأت للسنة و الشيعة و تكدرين تكولين كونت مذهب بيني وبين نفسي قررت يكون هو مساري بدون ما افصح عن توجهاتي حتى لا يكلولي ملحد او اسلامي متشدد فـ باقي على الحياد هههه

لكن لاني عشت فترة خارج العراق فصداقاتي كلها ويا الملحدين و اللادينين و اللاادريين , و كدرت اتفهم افكارهم واحترمها , خاصة واني شقيقي لا ديني , احنه بيت كلش ديمقراطي تلكين بي كل التوجهات هههه

ما اعرف والله كتلج ناسي التفاصيل

ما ادري اذا كان كلامج راح يتحقق بس اني اشوف صعبة يبتعد عن الاسلام بسبب الموروثات كذلك هو بفترة الانتخابات سوه صفحة بالفيس بوك مثل الحزب المدني و جان اله اراء سياسية , بصراحة اني الي جان مصبرني ع وضع هو وجود سوزان لان هي تقريباً لا دينية يعني بعيدة كل البعد عن التوجهات الاسلامية بس من طلعت و استلم اادارة النائب الجديد كلش خرب الوضع و انكسر واهسي

اعتقد كالتلي دزتلج على التليغرام وما رديتي او هيج شيء ما اذكر التفاصيل لان هل موضوع قبل سنة او اكثر

لا مو مدني ابداً هو يحاول تصدير هيج صورة ولكن تعرفين انتِ انه الموروثات و المعتقدات المجتمعية تبقى مثل الرواسب اكيد يوصل لنقطة معينة ولازم تظهر , السياق هناك صار اسلامي بس كأنه يستحون يكولون احنه اسلاميين او يعتقدون ان هي هاي المدنية الحقيقية الي يتبعوها اني هيج الخص الحالة

اها انا ما ملحك عليج من سجلتي هنا مع الاسف , نعم تويتر وفيس بوك وكل برامج التواصل مشلولة حاليا بفضل حكومتنا الرشيدة مو بس اليوم صار يومين تقريبا لذلك حتى اني دا اتواجد هنا

اي بوكتها دزيتلج واسطة اغرد بهمس بس مارجعتلي خبر ههه , لا فعلاً صار تغير و اني كنت شاهد علي التعدي عليج من الي يسمي روحة دكتور فلان , المكان امتلئ بالمرضى النفسيين و للأسف وصلوا لكل مكان هناك حتى ضيقوا على كل الاعضاء

بعد ما كتبتلج رسالتي الاخيرة تذكرت اكو شيء حاز بنفسي اتجاهك فكلت اكتبة بهاي الرسالة هههه
شكَد حاولت اتواصل وياج هناك عبر التقييمات او الزوار لكن مع الاسف كل السبل كانت مقطوعة , كنت اتمنى لو استضيفك في موضوع مايك المنتدى بس مع الاسف ما كَدرت و لحد الان حاقد عليك ههه

اني شفت الكثير من الاعضاء اجو هنا , اعتقد لنفس السبب , مع الاسف هيج وصل الحال ...

اها ما منتبهلك ولا مرة بس كلش فرحت من شفت الاسم بالبداية شكيت لكن من شفت مشاركاتج تأكدت انه انتِ
صحيح , عرفت سبب غيابك مناك هسه هههه , اي شيء تحتاجين بالفخامة بس تأمرين اخت عزيزة وغالية
شرفتي الفخامة لارا و اتمنالك اقامة سعيدة , بعيدة عن الصخب ^__*

ههه
زين شجابك هنا ؟
عرفتيني لو لا ؟

مرحباً لارا
معقولة تكونين
lara_atheer8 ‏
لو اني غلطان ؟؟