,¸ سجل حضورك بإحساسك¸,ღ

[حنان البصرة]

رد من السفر مو مالت افراگ.
على بالي فرگتك شنهي تخطر.
اطيحن لو مچلب بالحياطين
عثرة موتتك خيال تهطر.
يبو ضحكت الحلوه وحلو الرسوم.
ياهيبة اللؤلؤ طلعتك در.
من زغرك عرفتك زاهد الريح.
جنحك مال شلوه وشوفتك حر.
يمهدي وداعتك ولجاك قباض.
الأحلى من العسل من فرگتك مر.
گوه ادفع لگمتي الخاطر الضال.
لگمه اترد عليه ولگمه تعبر.
سهمك من لفاني مال طلاب.
ثار وبلچلاوي بلاوعي يعر.
وآنه گلبي ترف مو مال جناز.
صخر من الزتت وي الظنه يطر.
مو بلگاع دفانك حفر بين
چبدي وچلوتي وبالروح يحفر.
ابل وگطف اهدوم بلاوعي عليك.
خلف الله اعله ناسي الضلت اتشر.
مدري شلون مفهوم القوانين .
شنو الدخان يصعد والندى ايخر..