آنـتـيڪـا

[مـــجيـّدالسيــــد]

من روحي جايبلك ورد

ومن عمري عالكلك شمع

ومن كلبي جايبلك خبر

ممنوع ينزل اي دمع

هليلة ليلة من العمر

بس مو مثل أي ليلة

بيهه الحلو مبتسم

وبيهه الحلو نغنيلة

هبي بي دي تو يو

نسمعها بصوت الربع

من روحي جايبلك ورد

ومن عمري عالكلك شمع

..............................

هواي اعياد بسنتنه

يبقى عيدك احلى عيد

جابو اشموع وصواني

واني انطيتك وريد

غنوا الاحباب غنوة

بيها زفولك تهاني

وانه حاير ياحياتي

وروحي نزلت بالصواني

وطفت اشموع الاحبه

والك صارتلك شمع

من روحي جايبلك ورد

ومن عمري عالكلك شمع

...............................

حلم ياعمري اشوفك

انته والبسمة حبايب

وعالبسمة لو خلوا ضريبة

عمر ادفعلك ضرايب

ياترف وين الكه مثلك

طيب وكلبك سمح

وياحلو نظرات عينك

تفكس اعيون الجرح

انته عنوان الاصالة

وانته عنوان النبع

من روحي جايبلك ورد

ومن عمري عالكلك شمع

.............................

اشكثر كالولك احبك

وحصدوا بحبك عذاب

وكتبوا الاف الرسائل

ومالكو عندك جواب

ادري انته ماتحبهم

وبيهم انته مبتلي

وأبد ماهمك غزلهم

وسلمت كلبك اللي

جنت انته كل حلمهم

وانته حاضرهم شلع

من روحي جايبلك ورد

ومن عمري عالكلك شمع

بقلمي

مجيد السيد

 

[جنـوبـيـة♡]

بعد قلبي صقيقتي مصورتني بدوون ما ادري

 

[جنـوبـيـة♡]

اخذني وياك اريــدك ما اريــد الغيــر
وكــــون بســدك اگعــد وگعــد بسـدي

جبار رشيد

 

[رقوش♥️]

شحلات الشعر وأيدك من ..ترفها
وتشع لمعات خدك من ...ترفها
وكيحه العين ترمش من ...ترفها
تثير أعجاب حيل وقهر بيه.

 

[فقار الكرخي]

الج وحشة شكبرها

 

[جنـوبـيـة♡]

التعب ياكل بروحي واگول تهون..

 

[جنـوبـيـة♡]

‏ربك بيوم الـ صورك ‏چم يوم طينك نگّعه بماي الورد ؟

 

[جنـوبـيـة♡]

احسنّك هِدب تاه بـ شراييني..!

 

[جنـوبـيـة♡]

إلتمس لأخيك ٧٠ عُذرًا،
- وحَبيبك ؟
- بوس أخطائه

 

[جنـوبـيـة♡]

عشگتك عالسوالف بيك، بالله شلون اذا شفتك...؟!