غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه
حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية
ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية
تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية
سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية
لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
لتصدك اني بيوم انساك ولتصدك ياهو الكال بعتك
لان حبك نبض ويدك علية الباب وصرخ كلبي على
دكتة وكال احبك شلون ابتعد عنك واحنة فد روح
ونص الروح يمي ونص يمك
باب الدار بجفوفي لحني,,,
وحنين النوك ما يوصل لحني,,,
وطيت لكن اسهمك لحني,,,
بوسط قلبي وطبيبي احتار بية
احبابي الي جنت عايش معاهم,,,
ونهاري شماضوى مظلم بلاهم,,,
عليه مدري الوكت شنهو بلاهم
ولاهم اعرفوا بالصار بيه
حبيبي لا تظن انساك ولهه,,,
دوه الروحي غرامك صار ولهة,,,
الشفة والعين ترد عليك ولها,,,
تدعيلك كل صباح وكل مسية
الك ياصاح ماظل مني خاطر,,,
احسبه احساب دربك من اخاطر,,,
تعال كرب حبيبي مني خاطر,,,
تعرف اجنون حبك اسوه بيه
عيونك تصيب الگللب بسهام,,,
يلي ابد ماشفت بهواك بسهام ,,,
انا طير المهاجر بالفضاء بسهام,,,
اشوفك وانا تايه بالبريه
تغيب الروح بغيابك واردها,,,
كتاب جفاك من عندك وردها,,,
روحي بفركتك يذبل وردها,,,
شمس انت وتنور الدرب ليه
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه
حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية
ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية
تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية
سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية
لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
لتصدك اني بيوم انساك ولتصدك ياهو الكال بعتك
لان حبك نبض ويدك علية الباب وصرخ كلبي على
دكتة وكال احبك شلون ابتعد عنك واحنة فد روح
ونص الروح يمي ونص يمك
باب الدار بجفوفي لحني,,,
وحنين النوك ما يوصل لحني,,,
وطيت لكن اسهمك لحني,,,
بوسط قلبي وطبيبي احتار بية
احبابي الي جنت عايش معاهم,,,
ونهاري شماضوى مظلم بلاهم,,,
عليه مدري الوكت شنهو بلاهم
ولاهم اعرفوا بالصار بيه
حبيبي لا تظن انساك ولهه,,,
دوه الروحي غرامك صار ولهة,,,
الشفة والعين ترد عليك ولها,,,
تدعيلك كل صباح وكل مسية
الك ياصاح ماظل مني خاطر,,,
احسبه احساب دربك من اخاطر,,,
تعال كرب حبيبي مني خاطر,,,
تعرف اجنون حبك اسوه بيه
عيونك تصيب الگللب بسهام,,,
يلي ابد ماشفت بهواك بسهام ,,,
انا طير المهاجر بالفضاء بسهام,,,
اشوفك وانا تايه بالبريه
تغيب الروح بغيابك واردها,,,
كتاب جفاك من عندك وردها,,,
روحي بفركتك يذبل وردها,,,
شمس انت وتنور الدرب ليه
