التملق مرض العصر..
تملق.. تملق .,. حتى تنال ما تريد
النفاق ذلك الداء المستشري أسفاً في كل الأرجاء
تلكَ الأمراض أصبحت هي السائدة سواء في الدوائر او المدارس او الكليات.. في كل مكان
....
للعقول الراقية.. أقول
....
جفت انهار العشكَـ والراح راح
على شنهو العتب ولشنو نهتم
كافي وبعد كافي وانتهى الموضوع
ومن هذا الدرس والراح نتعلم
عضينه الاصابع وشكَكَينه الثوب
وعلى الصار وجرى ياوسفة نتندم
كَالوا بالنفاق تعيش مرتاح
والبس اقنعه وبسرعه تتأقلم
واحجي للسواد وكَله انته الزين
وأحسن كل بشر من انته تتكلم
وانته بهالكلام تصير محبوب
لو حتى المبادئ بيك تتحطم
عمت عين الوكت والدنيه والأيام
وعمت عين الزمن لو هيج نتأقلم
لو نار الحياة وتشتعل كل يوم
لو صارت جهنم وأحنه نتألم
ما ابدل قيم مزروعه وسط الروح
ولا أخلاق أهلي التمشي ويه الدم
ما اعرف نفاق ولا حجي الوجهين
ولا حجي الجذب والضحكة التسمم
انا الصاعق قمم بالجذب مرتفعات
وانا البارق بنور اللامع الأنجم
انا العالي بصدق والماعرفت الزيف
وأنا الأخلاق بيه ومني تتنسم
ولو وصلت منيتي وفاضت الروح
تظل كل القيم من بعدي تتـيتم
خل افقد بشر .. المهم مرتاح
مادام الصراحة بختمي تتختــم
ومادام التواضع بيه عنوان
شما زاد التواضع اسمي يتقدم
وخلي المافهم هالمعنى يغركَـ بيه
وبهاي المعاني يبقى يتحلم
....
بقلمي
تملق.. تملق .,. حتى تنال ما تريد
النفاق ذلك الداء المستشري أسفاً في كل الأرجاء
تلكَ الأمراض أصبحت هي السائدة سواء في الدوائر او المدارس او الكليات.. في كل مكان
....
للعقول الراقية.. أقول
....
جفت انهار العشكَـ والراح راح
على شنهو العتب ولشنو نهتم
كافي وبعد كافي وانتهى الموضوع
ومن هذا الدرس والراح نتعلم
عضينه الاصابع وشكَكَينه الثوب
وعلى الصار وجرى ياوسفة نتندم
كَالوا بالنفاق تعيش مرتاح
والبس اقنعه وبسرعه تتأقلم
واحجي للسواد وكَله انته الزين
وأحسن كل بشر من انته تتكلم
وانته بهالكلام تصير محبوب
لو حتى المبادئ بيك تتحطم
عمت عين الوكت والدنيه والأيام
وعمت عين الزمن لو هيج نتأقلم
لو نار الحياة وتشتعل كل يوم
لو صارت جهنم وأحنه نتألم
ما ابدل قيم مزروعه وسط الروح
ولا أخلاق أهلي التمشي ويه الدم
ما اعرف نفاق ولا حجي الوجهين
ولا حجي الجذب والضحكة التسمم
انا الصاعق قمم بالجذب مرتفعات
وانا البارق بنور اللامع الأنجم
انا العالي بصدق والماعرفت الزيف
وأنا الأخلاق بيه ومني تتنسم
ولو وصلت منيتي وفاضت الروح
تظل كل القيم من بعدي تتـيتم
خل افقد بشر .. المهم مرتاح
مادام الصراحة بختمي تتختــم
ومادام التواضع بيه عنوان
شما زاد التواضع اسمي يتقدم
وخلي المافهم هالمعنى يغركَـ بيه
وبهاي المعاني يبقى يتحلم
....
بقلمي
