مـــجيـّدالسيــــد
Well-Known Member
رد: ألف ليلة وليلة ...
الليلة الواحدة والعشرون بعد المائة
الليلة الواحدة والعشرون بعد المائة
اطلب عليه وكول
موتدري يلمدلل
ماردلك طلب خالي
وبالك تذل الروح
وترخص دمعة أعيونك
مو دمعك علي غالي
مااتبع جدم غيرك
وغير ضحكاتك الحلوة
أبد ماضحكة تحلالي
صارت أطيوفك مثل ظلي
وبطول الوكت وياي
مو بس بليل تبرالي
وأحن ليك وأنته يمي
وأبد ماأرتوي منك
وظل عطشان للتالي
اأطلب كلي كدامك
اعز شي عندي هاي الروح
وماتغلى الروح علغالي
من مدة وانه مهموم
والحزن صاير صديقي
أجيت وغيرت حالي
جنت اكولن مات الشوك بعروكي
وميهزني بحر من الحنين
وطحت مابين روجك العالي
وجنت عايش بلاوهام
ومن عرفتك ياحياتي
كلشي انزاح من بالي
عندي يمك طلب واحد
لو اتصير كل دنياي
لو اتصير جتالي
وانته اطلب كلي كدامك
اعز شي عندي هاي الروح
وماتغلى الروح علغالي