أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

لاتظن انساك يالرايد تغيب
ولاتظن اطيب گلبي اجروحه
إنته روحي اتريد اكرهك مستحيل
وهم شفتلك بشر يكره روحه

 

[mohammed.shams]

الناس تخاف ماتحمل هويات
الهوية بجيبهم صارت منية
ذبوها المنية وطلعوا الناس
لگوهم جثث مجهولة الهوية
==============

 

[mohammed.shams]

هذوله من طغوا صحنه لهذولاك
أجو عالصوت فوراً وانتخوله
واجت نفس الوجوه وذولة ذولاك
نصيح المن ونخلص من هذوله

 

[mohammed.shams]

دمك نفس دمي وثبت بالتحليل
وچذب لا إنته اخوي ولا إبن عمي
صرت نفس الفصيلة وياي تعرف ليش
لان خلصت عمرك تشرب بدمي

 

[mohammed.shams]

عشرة اويه المناية ورفگت ادروب
مثل عشرة شذر وية المحابس
اتركن ماي النهر ماتغفه عالماي
على اگبور الشباب اتحط نوارس
==============

 

[mohammed.shams]

علامة بكل درب صرنالك شلون
تمر وتگول ماشفت العلامة
يتامه وننتظر جيتك واذا جيت
يبين العيد بوجوه اليتامة

 

[mohammed.shams]

بعيد الله الچبير اتعيد الناس
وگبل العيد كلها اتخيط هدوم
وانه بكل عيد اظل مدنگ الراس
وادية مزرفة امن خياط الهموم

 

[mohammed.shams]

إذا شمسين تطلع كارثة اصير
وجمالك هذا گلي منين جبته
اتفق وية الشمس لدوخ الناس
لوتطلع شمس لوتطلع انته

 

[mohammed.shams]

حبا بالشعب واتحده الارهاب
وعن هذا كلامي آنه مسؤول
گطعت الكهربا عنكم يالاحباب
ماأرضه عراقي يموت منتول

 

[mohammed.shams]

==============
ملينه الخطب ملينه الاعذار
صدگني بعد عذرك ممقبول
إذا عندك بقت ذرة كرامة
عزلها الوزارة وشيل التيول