أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بخيت الشاف وجهك لحظة باليوم
جمال البيك عجبة يوگع بساع
لتلوم الگلب مو وحدة معجب بيك
إذا بچعوب رجلك معجبة الگاع

 

[mohammed.shams]

مجنون بجمالك آنه ياقيس
وماتوصل جمالك ليلى بالكون
من اتفوت ليلى اتشلع الگلوب
وانته اويه الگلوب اتشلع اعيون

 

[mohammed.shams]

لاتصعد درج يالكلشي مايع بيك
بالله اعله الدرج وطشرت كلك
شعدك عالسطح والشمس تكتل فوگ
لاتصعد نصيح السطح ينزلك

 

[mohammed.shams]

يالرايد تسافر مني مليت
واحسك ياترف من يمي طافر
لواشنطن تسافر انته ميصير
واشنطن إلك لازم تسافر

 

[mohammed.shams]

أكرهنه اليظل يدلل اوياي
بس انته ولك يعجب دلالك
انشلع گلبي بجمالك شحچي وياك
إذا مشلوع گلبك من جمالك

 

[mohammed.shams]

صديقي ايبيع طرشي وواگف السوگ
وگتله شبيك باقي وهوه يمشي
ولك صورة مهند حطها عالچيس
مو بس يمشي صدگ يركض الطرشي

 

[mohammed.shams]

ماأكتب قصيدة اعليك للدوم
قلمي اوياك ابد ماگعد حظه
باول بيت أكتب وانته عالبال
ومن اسمك أكتبه تصير ومضة
==============

 

[mohammed.shams]

أخاف اعليك حته امن الهوه الهاب
وگضيت العمر كله اعليك خايف
شفتين البشر تملك بالوجوه
وانته منين ماگلبك شفايف

 

[mohammed.shams]

ياكلشي وكلاشي ويااشكال ارناگ
طفل گلبي تعده وشاف دكانك
ظل واگف ابابك گتله اخذ شتريد
شو رادك شلع وي قطعة اعلانك

 

[mohammed.shams]

اختصر ربك بعينك كل جمال الكون
وبخدودك ترافة الماحواها انسان
موش السان واحد يكفي يوصف بيك
اليوصفك بعد يرادله الف السان