أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الهوه هذا اليمرني اتخيلك بي !!
حتى التقي وياك منين ما اجيت
تره بس انت غيرك ما اشتميت !!

 

[mohammed.shams]

اذا عودك ذبل بالماي
راضع موت من گاعه
واذا صار العشگ للبيع
لا تعتب عله الشراي
چثر اللوم ع الباعه
الغفة بفي النخل يترجة
تمرة اطيح موًمثل التشلبه
وجاب بذراعه

 

[mohammed.shams]

واصليلك ،،
يمعبودي يجرحي العشگتك روحي
اصليلك
صلاة المالگه اذنوبه اعله ياهو يموت
صلاة التيه ادروبه اعله ياهو يفوت
صلاة المادره جروحه بحلگ ياحوت
وابچيلك ،،
إتغير دموعي الك مهره شمس خيالها أموزم
يخي عونه ويهنياله ،،
الدره اليا عله مفتاح الدمع يرهم
ياسر الدمع والدم
اموت ابيض على امتونك
واردلك سيل يدفع سيل
ويسبگني ضميري بصوت
يغافي اعله الثلج والنوح اجيتك هذا انه ابنادم
يرف گلبي عله ابنادم ،،

لـلمرحوم ذياب گزار

 

[mohammed.shams]

من حر الشمس صرتلهم افياي .
وصرت الهم شمس من غثهم الليل .
وفرشت الروح من رادو يعبرون .
وركضت الهم لحد ما وشل الحيل .
أنا اطلبهم دمع كل ضني يوفون ؟ .
شو ضحكو عليي چي دمعتي أتسيل .
الوگفت الهم عمر ما وگفو اوياي .
وألي لمن طحت مامدو الأيد .
مو صعبه اذا ماهدو اوياي .
بس الصعبه اجو ويه الهواديد!!!

 

[mohammed.shams]

لاترجع بعد صدكني وكتك فات
وسر موضوع حبك لاتعيده
وعلى كلبي بعد لتحاول وياه
قافل كلبي كلشي بعد ميفيده
ولدك عالحديد يخونك البسمار
مثل ماخان كلبك دم وريده،.....

 

[mohammed.shams]

الحلـوه.
حلــوة صيـت مـوش بشـكلها
كــون بشـرفها تشيل هامات اهلـها

 

[mohammed.shams]

متخيلة بسهولة انساج
و ابيعج و انتي مو يمي
يابت قلبي يا ام روحي
يل عشق اليمشي وي دمي

 

[mohammed.shams]

مو كلمن عشگ معناها مرتاح
مرات اعله روحك تنقهر تندم
لأن مو كل بشر مخلص هلأيام
تلگه الي تريده بهل وكت تحلم
يصح واحد يفهمك من العيون
اواحد لو تصيح بأذنه ما يفهم..

 

[mohammed.shams]

بديت اشهگ فراكك والنفس مگطوع
اختنگ دربك بجدمي وماقبل يكمل
يمر وجهك علك وبوجهي اشد شباك
واشد وجهك بوجهي وبالسهل ينحل
خذت نضره ولهسه عيوني متوضيات
اذا صلت لغيرك كل فرض يذبل

 

[mohammed.shams]

هونــگ
أتهـده ويـة گـلبي !
وبسـگ إتمرجح ،، تره خويـطة رفيع

كاظم الكَاطع