أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ولو ماعادتي اشچيلك ..
انه الناي البچه اعله اجفاك
والغنَّه بمواويلك !

 

[mohammed.shams]

لا تعتب اعلى الراح والما يريدك حافظ على الزينين والايده بيدك

 

[mohammed.shams]

بيه حسره
تكول جمرة
من الضلع حد" الضلع
وبيه آااخ ~ لون تطلع
تكول جادر شاب منصوب ب فرع
وبيه كلشي " وكلشي مابية ابد
بس الوجع

 

[mohammed.shams]

عشكت الجرح عشك الكصب للطين
وضحكت بيـــــوم جرحي حيل اذاني
وعلمني الوكت اصبر وامــــــد احبال
واخنكه بحبل صبري الامس خنكاني
لاتفرح انا مطــــــــــــول النفس وياك
اصيدك من تصير بهـــــــــدف نيشاني
وهم ارجع واطيرك مااعتبرك صـــــيد
لان انت حبيبي ومايرضاهه وجداني

 

[mohammed.shams]

الحزن من گد ما عشگته صار وي دمي يدور
انه اسحنه بصبر روحي
وهو يحرگني بخور..
يصوغ حسراتي قصايد .. خاصه تهز الشعور
نشدو ليلي ... شگد سهرته ؟
مثل المتاني السحور
الناس .. كلمن اله طوره
وانه الي سبعين طور
مره اكتب
مره اصفن
مره دمع العين اسيله
والسوالف .. كلهه تگضي وتبقه سالفتي طوويله..

المرحوم
فاضل عبد السادة التميمي

 

[mohammed.shams]

اذا مااسلم عليك الصبح ماارتاح
لان انت صباحي وغيرك الظلمه
صباح الخير ياعسل ياورد ياتفاح
وبگلبي ادعي ربي غاليي سلمه

 

[mohammed.shams]

الهي بداعتك وفرلي راحت بال واحد من عبادك مني سالبها

 

[mohammed.shams]

يربي شلون مامش عقل بالراس
سودني شخص وانا الچنت عاقل

 

[mohammed.shams]

المشكلة بصدري گلب كلش غشيم

 

[mohammed.shams]

عندي وادم أگطعوا
بيه الــوصــــل
وانه چنت
اگطع نفس واشـــــريهم