أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ما مقسوم احبك وابتدي أوياك
بس مكتوب دوم بحبك أنعاني
ما گلك انساني بس اگلك روح
وياك الوكت محتار خلاني

 

[mohammed.shams]

اعتب عالزمان الما جمعني أوياك
وبدرب السراب أشلون مشاني
بعد كل البنيته وبيه ما ضل حيل
اجه ابلحظه الزمان وهدم بنياني

 

[mohammed.shams]

وبعد جرح الأمس وك يا زمن ما طاب
وصدگ گالوا تشافيني بجرح ثاني
لا صاحب تركته ولا حبيب أوياي
وعلى صفحة حزن خطيت عنواني

 

[mohammed.shams]

وعموماً ياحبيبي واغلى ما حبيت
انته اول محب استحل وجداني
الف مبروك اگلك من گلب ولسان
مو كلمه واجتني بطارف ألساني

 

[mohammed.shams]

بس هي رهمت بعد

تفارگنه دمع وجرح

كلمن مشه بنزفه

يا سالفة روحتك يبّست جم شفه

رعد الفياض

 

[mohammed.shams]

سلام الله على كل مشتاگ
بات البرد بظلوعه
هذاك اليون طول الليل تالي ينام بدموعه… !!

 

[mohammed.shams]

ارد اجيكم
عازة أيامي فرح وتريدكم
وهاكثر..كَلبي يلح ويريدكم

الراحل زهير الدجيلي

 

[mohammed.shams]

انتي
خليتـّي النجم
بعيوني يلتم والنجم مو هينـه لمتـه

 

[mohammed.shams]

أشوفك تشعل بروحي الشمع والياس..

آنه الـ لا صرتلك.. لا صرت للناس

 

[mohammed.shams]

الغربه ..

من ينكسر جنحك وأنت عالي وتمشي ويه

الناصي زحمه

الغربه .. من تشوف خيرك يم وجه مو مال نعمه

لـ مظفر الجابري