أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

كالو شمسكم بينت
وجرينه الف هلهوله
ملينه من ليل الظنه
وليل الظلام إشطوله
الدنيه موعوده أبفرح
والفرح بيدك نوله
مدينه نلكط فرحته
دبجات صفكه ونحتف
شو طلع سيباط العنب
من أمس كاضي أمنظف
ايام المزبن كضن
دكضن يا أيام اللف

 

[mohammed.shams]

شمطلوب إلج يا دنيتي
كل العُمر ما وفه
أشحصلنه من كل الجزه
غير اللَهط و الهُرفه
والناس وكفت تستهل
جية العيد أبلهفه
أفتحنه شبابيج الضوه
والفرح جانه وهرّف
أحديثات بجفافي العرس
وكليبي لكليبك رَف
أيام المزبن كضن
دكضن يا أيام اللف

 

[mohammed.shams]

ألبست البياض أتغرنكت
وأتفرع امتانيكم
حسبالي مثلي أبلهفتي
وشوك البكلبي بيكم
أنخلنه مراجلكم زمط
خابطكم وصافيكم
عضينه مية أصبع ندم
لاوينه جم جف وجف
ردينه لهدوم الجِرد
ويوميه من طف الطف
أيام المزبن كضن
هم تكضي أيام اللف

 

[mohammed.shams]

أبسبعة قوالب غسلت
أبصابون سبعه وسبعه
وخايف تسولف صحبتي
حاقد طموحه الرجعه
أشجم هافي يتشلبه البخت
وبيده يطيّح ربعه
بس سمع دكات الطبل
فحطان يركض كييّف
وميزان مقياس العقل
والحرمه أوزن للخف
أيام المزبن كضن
هم تكضي أيام اللف

لا أمزبنايه دخنت
منهوب كل جيس اللف

 

[mohammed.shams]

‏لا تذب روحك ع الرايد يروح
ابنادم يحبك اذا تتجاهله

 

[mohammed.shams]

اتريد تعرف طيب ناسك #ضوگها

ولا تصدگ بالحچي #البحلوگها

النخله لا تمدحها احكم من #تضوگ

لا تغرّك من تشوف #اعثوگها ..

 

[mohammed.shams]

تطفه ولايتي لو شح خبر منك
ضم روحك
حديثات السلف كلهن يريدنك.

 

[mohammed.shams]

على كيفج يحلوه
كلوبنه زغار
وتفاحج مخنزر
جنه هادود
يبويه شدعوه
خصرج.
يكطع السيف
جدامج للمثلنه
يرهمن خدود

 

[mohammed.shams]

شگـد كبرنا

بحبهم وتالي نسونـه

والتكتلك عودونـه

 

[mohammed.shams]

من لونك
خذوا للشوف عين مكحّله بـ صگرين
إلترافه إلبيك
عبرت عَالورد صوبين

شاكر السماوي