أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mooj]

..

مابيّه أطير لغيّر مَايك .. عوُدتَني

..

 

[العـ عقيل ـراقي]

شفافك ولا كولن ورد .....
عنابه معكودة عكد
تمتلي بكد ما تنمرد
لا هي دفو ولا هي برد
أنا بوصفها راح اجن
حن بوي حن

 

[mooj]

..

ليش ما خَليتني أبنيلك وَطن يجمَع شتاتك!!!
ليش خَليت الغُرب تاخذ غلاتك ؟

...

 

[العـ عقيل ـراقي]

وانا فارش حضني انطر
بلچي نسمه ليل تلعب بيچ
وتصيرين حصتي
قبل ما تملي شليلي وقلبچ ايام المطر

 

[لُطف]

وألملم بالحچي مَرات وأسَكت روحيّ بالگوة ،
لا كل العَتب ينگال ولا كل البشَر يسـوة !

 

[لُطف]

خشن حزن الليل كلـش ، حزن مربـوط بـحزن .

- مظفر النواب

 

[لُطف]

وارد اكلك فرني حسنك يا بنفسج
وانته وحدك دوختني يا بنفسج

- مظفر النواب

 

[العـ عقيل ـراقي]

يضحكن وگلوبهن تسعر جمر
وين سارح چنك نسيت العمر
گاعد انت وحزنك الماينتهي
بگهوه بعيده
يجي شرطي جديد بالكاغد ينشدك
وين حمام الزلم ؟
تصفن زلم!!!!!!
ضلت زلم

 

[العـ عقيل ـراقي]

تعال بحلم واحسبها الك جيّه
واكـَولن جيت .
ودخول السنة من الكـَاك يا ثلج اللي ما وجيت .
ولا استخطيت ولا وعديت
ولاطارش جذب وديت ،
ولامره شلت عينك تعرف البيت .
ولامريت ، ولا نشديت ، ولا حنيت .
وكـَالولي عليك اهواي
يا ثلج اللي ما وجيت .
عُـمر وتعدّه التلاثين ، لا يفلان :
عُـمر وتعدّه وتعدّيت ، لا يفلان .
واغمّض عود ، أجيسك ياترف :
تاخذني زخة لوم .
وأكـَلك ليش وازيت العمر يفلان ،
يفلان العمر يشكـَر ، ولك يفلان .


قديس الشعر
مظفر النواب

 

[شَمَّـمْ🤍]

ومتانين ..
‏مثل خيط الشمس
‏بسكوت محتركين .!