أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

الوادم شافتك كلها متى انا
اشوفك مو خلص ليلي متانا
اني الجنت فارشلك متانا
وسادة وعبث نومك جان بيه

 

[جنـوبـيـة♡]

عثرت وطيحت كل صوره بيها اعزاز
شلت بس صورتك ماهمني الاطشر
انه شايب گبل لانكث اهدومي
اشيل اعگالي من اعثر
جا هيج الگلوب الحلوه تتغير ؟

سعد شميل
.

 

[السماء السابعه]

حبك من ثدايا امنا حسيناه
بشراين القلب يجري حسيناه
أبد والله ماننسى حسيناه
نعيش نموت ويه ابن الزجيه

من المهد للموت وياك يا ابا عبد الله

 

[mohammed.shams]

البوسة راجت وأنحنت
رادت تطيح من الحلگ

دنيهة من حر شفتي
لسّة انه ماضگت الصدگ

واحرگني حيل .. اتعودت
ماحبك ألة من أحترگ

 

[mohammed.shams]

اني وانته اثنين عشرتنه مرض
لا تفارگنه ولا صرنه البعض
ماكو راحه بهاي دنيانا وسلام
شستفاد الي على الدنيا اعترض
الماتشوفه العين تنساه الگلوب
عود ماشفتك وتمشي وي النبض
روحي من ينجاب ذكرك تستغيث
وجفني بغيابك ولا هاد وغمض
قنعت روحي ابتعد مااظم عليك
وگلبي بس بهاي عاندني ورفض.......

 

[mohammed.shams]

بعد لتظن
تحايلني المودة وليك روحي اتحن

وبعد لتظن
تكَاوي مشتتاتي وبيك بس أصفن

 

[mohammed.shams]

أمس ..
طشّيتك على الأيام
صم نسيان
وسوّيتك حزن ..!!

 

[mohammed.shams]

شنو تريدين...

اوعدچ ؟

لا ، تحلمين !

اي رجال

بس ما انطي كلمه "

اني انطيچ حلقة تصير نيشان

حتى
اثبتلچ
تحبين زلمه "

 

[mohammed.shams]

جربت مره وبعدها زنجر بگلبي ألقفل

بيوم حب بارد جمعنه

وعرفت مانشتعل

 

[mohammed.shams]

روحي بين أحبابها وعاشت غريبه

روحي مثل مرايه امي

شيبت گبل الگصيبه