أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[عبد الرحمن]

السمره ماتاذيك طيب قلبها
حتى العليل يطيب من يشم
حبها

 

[عبد الرحمن]

هاك العمر ياترف مني لحضرتك هبه
وريح الموده بلطف منك علينا هبا
من راد بيك الغدر يانور عيني هبا
أحميك بر وبحر واحميك انا بالراي
وسهام هجرك سطن حطن ألم بالراي
انصاب قلبي بسهم ريمن طلع بالراي
ورد دليلي بجمر هذي المذيعة هبه

 

[عبد الرحمن]

نخيت چفوف اديه منتخت لي
واسالت الزمن بعدي من تخلي
ياصاحب ليش تغدر منت خلي
قضيت وياك عمري وخنت بيه

 

[عبد الرحمن]

ذبت وبنار حبك مايع اني
وتركت قلبي يعاني مايعاني
لو ان تعطش رويتك ماي عيني
واحط الروح لعيونك هدية

 

[جنـوبـيـة♡]

صَح نزعل عليهُم بَس إذا نشتاگ
نذب عادات أهلنَا ونجي نراضيهُم
رسايّل ماندز مو ماڪو ساعِي يرُوح
واذا يردُون شاهد هَسه ننطيهُم
شچم ساعي ويا ساعي يدگ علينَا الباب
بَس نغار منهُم مانوديهُم
حاولنا شڪثر بَس للأسف ماصار
طبعهُم ماتغير مثل أساميهُم
ڪون بغير وادم هيّچ مهتمِين
چا حطوا صورنَا بنُص جناسيهُم .

 

[عبد الرحمن]

سهامك وصلن لچبدي ولاحن
وقلبك مابچي لحالي ولا حن
بليالي العيد انا لا افرح ولاحن
انا افرح بيك يمتى تعود اليه

 

[عبد الرحمن]

احبك اكثر من الكون ونسه
وعندي الموت اذا يرضيك ونسه
ما افارك ابد ذكراك يوم وانسه
واقدم روحي لعيونك هدية

 

[رمااد اانسان]

شكثر بيه ليالي الحزن گلبين
ولا فد يوم مني الصبر گلبين
انه يرادلي بفرگاگا گلبين
گلب يبجي وگلب يحتار بيه

 

[جنـوبـيـة♡]

مشتاگلك ...
مَدري شكثر !
گد ما وگفت انتظر،
گَد الصُبح
ها والعصر
والشوفتك ما ضل صَبر .
تدري آنه حيل اتأملك
ومحظر هلاهل من تُمرّ !."

 

[رمااد اانسان]

بعرس رحنه ويدك الطبل رد ناي
عله ولفي وشككيت اثنين ردناي
يلاهي بداعت العباس ردناي
لَبطن أمي ويصير اصقاط بيه