أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[غيمة مطر]

ليت الاحلام سهله و الأمـاني رحابه
وليت الأيام رغبه والزمن يستجيبه
وليت بعض الطواري ماتجيب الكآبه
و الليالي ماراحت به تعوّد تجيبه

 

[لارين]

دكتور لا تتعب وتشرح سؤالك
لا الدرس جايزلي ولا الشرح مفهوم
فكري لحاله وانت درسك لحالك
ماني على درس السياسات ملزوم
درسي مع اللي قادني للمهالك
اللي غــــلاه بداخل الجـــوف مردوم
دكتـــور لــو الزيـــــــــن يشرح بدالك
والله مــا تـلقى بـغيابــي ولا يـــــوم

 

[زهرة اللـوتس]

سـلام الله أعلـه ديرتكم
وسلام الله أعلـه شارعكم
وسلام الله أعلـه كلشي يخص ذكر منكم

 

[سُـوْࢪ مـن وࢪد]

انتي
يـَ حليوة اهلنه
يا دبگ ماي الشكر


مظفࢪيات

 

[جنـوبـيـة♡]

كُل الكَلام اختفى ،
اتمنى هَسه بحُضن احچيلك الـ بيه
حَسيتك تغَيرت
اسبوع كامِل گضه
ومَا دازليّ اُغنيه
حَاسبني ، غَار ، انفعِل
مَا بقى براسي عَقل من گتلي شَعليه .

 

[جنـوبـيـة♡]

‏واذا ما دبرتلك حبل لاعدامي
بس أمشي ويا غيري وصير گدامي
واذا اريد ابصملك بعد ماخونك
أجمع دمي گله بطارق أبهامي
أبد ما سفرت لو شايف عيونك
ولو جاي بحلم ما خلص احلامي
تذكر من گلت باچر يعطشونك
طلعت من النهر رديتلك ضامي
أغمض وأرسم گبال اليرسمونك
وطلعتك احلاهم روحي باقلامي

 

[جنـوبـيـة♡]

هاي الفترَة مو سُهلة وحيرة
شلَون أعديَها!
بقرارتي التناقض صار
مِثل واحد يخاَف ﷲ
وحياَتة يريد ينهيها.

 

[جنـوبـيـة♡]

حچيك مو شقة
ومقصود وياي
من حاجيتني وغيرت الاسلُوب
من چزيتني
من كلشي بي زين
من ضليت تحجي بطاري العيوب
وانا ممنونلك
بس بيش اجازيك؟
صرت وياي چنك وطن مسلوب .

 

[جنـوبـيـة♡]

خايف احچيلك
واعَددلك چم صُبح ما مر عليّه
خايف احجيلك وأموت
خايف احجيلك
وصوتي من الرجفة
يبقى بلاية صوت

 

[جنـوبـيـة♡]

كل أغنيّة أسمعها
تذكرني بـ حَچي عيونك
تخلص يلا أرد لواقعي المُتعب
تذكرني قبل لا أشكي، و أستغرب
و احيى بكلمة شلونك
كلشي بالدنيَا حَچي عيونك