أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[جنون العاطفه]

عجوز من الناصريه كانت تحب في صباها شاب وعشقته بجنون
حال النصيب بينهم وكل واحد راح بدنياه.. وافترقوا ٤٠ سنه.. يوم من الايام جا ولدها قالها فلان سكن جارنا فقالت:
عليك الدمع مثل السيل/ياري
ويافكر البقه بلراس/ياراي
بعد هل عمر ولفي يصير/ياري
عجوز وردن العشرين بيه.

 

[جنون العاطفه]

هناك رجل عشق فتاة وبعد مده تزوجها.. وبعد كم سنه رزقهم الله بمولوده .. ولكن بوقت الولاده ماتت الام .. عاش الزوج فتره حزينه ..وانشد هالبيت من الابوذيه:
يبنت النوح ماينفع/علاماج
صغيرة والوكت عل هم/علاماج
لون تدرين البقلبي/علاماج
جان انتي انكسر گلبج عليه.

 

[αʅƚαɳ]

الضيقه اللي تنزل وتصعد أمواس
بِمْعوِّذات كْتاب ربي رجيمه

ياليت ماالله حط بي قلب حسَّاس
أقل كلمه ترتكب بي جريمه​

 

[شخص ثاني]

اجروح الكلب بجفاك صارن تره جيوب
بيهن صور ضميت واشعندي مكتوب.

 

[αʅƚαɳ]

شميتك گبل ماقاومت وياي
ولميتك نفس واتعثر بلمك
وهسه تريد اشمك خايف آنه اعليك
يمكن راح اخلصك لمن اشتمك​

 

[لارين]

البارحة مابين صاحي ونايم

كني صغير يسهر الليل مفطوم

سهرت لين الصبح جتله علايم

والليل ولى وأنهزم وأقبل اليوم

لين أذنوا بالمسجد أهل العمايم

وقالوا صلاة الفجر خير من النوم

 

[شخص ثاني]

ياربي الك شكواي وتفكني اريدك
كلهم دغش وياي طلعو عبيدك

 

[ألـــــ غصة ـــــــم]

الگصب لو مات ماينذب يرد ناي
الهلي تيهت ماواحد يردناي
ابد لاتمسح المدمع يردناي
اريد اعمى وتگود الناس بيه

 

[ألـــــ غصة ـــــــم]

بعرس رحنا ويدگ الطبل رد ناي
وعلى ولفي شگگيت اثنين ردناي
ياللهي ابداعت العباس ردناي
لبطن امي ويصير اسقاط بية

 

[αʅƚαɳ]

لملم شما بقه بروحك وانعزل
شوفلك دنيه اعله گدك
حوك من آخك قصايد
سوّي من جرحك نشيد
عيش يمهم بس بعيد