أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[ألـــــ غصة ـــــــم]

شنو عذرك ،
درت وجهك گبل لا تطلع النجمات
وانه وگلبي هم ننساك موش گبور
خاطر نحتفظ بالمات
♡

 

[شخص ثاني]

هم تعتب انته بيوم عل الدنيه هايه
خلت ااالباز يصير حدر الديايه

 

[قمر]

‏شكثر حلوه البساطه وراحة البال
شيفيد الترف من غير راحه
ما ينفع المال وعلو القصور
اذا صار الحزن للگلب ساحة
فرق بين الضحك واليبچي دمعات
سواد الليل مايشبه صباحه
عيش ولا تخلي الدنيا تغريك
أضحك عيش دنياك بمراحة
الفقر … مو للذي ماملك اموال
فقير الي روحه ابد مامستراحه …

 

[رمااد اانسان]

كلت ماخاب بيهم مره ضني
ولجن عدهم سوالف مرضني
حوافر خيل دهري مرضني
ارحم من حوافرهم عليه

 

[حياتي البصرة]

عيش وَحدك
حوك مِن آخك قصايد
سوي من جرحَك نشيد
عيش يمهم بَس بعيد . .

 

[شخص ثاني]

‏شكثر حلوه البساطه وراحة البال
شيفيد الترف من غير راحه
ما ينفع المال وعلوا القصور
اذا صار الحزن للگلب ساحه
فرق بين الضحك واليبچي دمعات
سواد الليل مايشبه صباحه
عيش ولا تخلي الدنيا تغريك
أضحك عيش دنياك بمراحه
الفقر مو للذي ما ملك اموال ...
فقير الي روحه ابد ما مستراحه

 

[ألـــــ غصة ـــــــم]

حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب عليه

 

[ألـــــ غصة ـــــــم]

مسحت الدمع باليمنه ووحنت
ذكرته وضجت ضلوعي وحنت
الناگه تعلمت مني وحنت
مثل گلبي گلبهه انصدع هيه

 

[علي هادي موسى]

جربنه السعاده بحضن هاي وذيج
وشفنه احضانهن مابيها حنيه
العشگ صفنة حنين ولهفة اشواگ
حضن يحضن حضن وبلايه منيه
همس ما ينسمع بس بالنبض ينشاف
مو عبرة وكت واحلام ورديه
ولا موعد چذب خالي من الاشواگ
ولا تصفط حجي ووعود وهميه

 

[شخص ثاني]

اجروح الكلب بجفاك صارن تره جيوب
بيهن صور ضميت واشعندي مكتوب.