أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[شخص ثاني]

ملتهين بغيرنآ ألبيهم لهينا ؟
وندري عشرتهم دغش
بس مآحچينا ،

 

[شخص ثاني]

عرفتلها و كمت ما زاعل اليرحون
و لا عالباب اضل متاني ليليه ...

 

[حياتي البصرة]

اطش بجروحي حنطة وأزرع أغصان
حتى تخيط جروحي العصافير

سيف الحلفي

 

[حياتي البصرة]

دليني عليك اسنين تايه بيك
وامشي وياك ادورك خاطر اندلك

جبار رشيد

 

[سومري]

انكسر سوگي وگمت تتمرجح عليه
تمنيتك تمرني بليله ماكو نجوم
بحجت غيمه سوده وتدث حنيه

 

[عبد الرحمن]

من كتلك احبك مو عن طمع وياك
وﻻ غايه عندي وغلط تفهمني
حبيتك ﻻن تختلف عن الناس
وكلشي ماردت بس تقترب مني
اريد انظر بعيونك وا صفن عليك
واشوفك مثل ما احبك تحبني

 

[عبد الرحمن]

هيه روح وراحت بحضن الغريب ..
والخذاهه ما يحس بجروحي ..
ربي مو عندك ملك ياخذ الروح ..
شلون ترضه بشر ياخذ روحي

 

[عبد الرحمن]

على سنيني الكضت وياك ندمان
شعاتب كلبي لو عاتب نصيبي
سميتك حبيبي وحيل غلطان
عليك تلوك خاين مو حبيبي

 

[عبد الرحمن]

ﻻ‌ تحجي بعنف من تنصح الناس
ابدي بعيب نفسك يله تتكلم
الكدامك بشر مو كومة احجار
لذلك من تجرحه تشوفه يتألم
ابدي بكلمة طيبه ورقه واحساس
حتى يحب حديثك منه يتعلم

 

[عبد الرحمن]

أنة أشتاگيتلک بس تعرف شلون؟؟
شوگ ألوردة لمن تطلب ألماي!
تذبل ورگة ورگة وتوصل ألموت,,
ياماي ألورد گلي شوكت جاي ...