أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[سومري]

يهل ماخذ دليلي وياك رده

مشيت ولابعد للفــرح رده




يلا منو يكمل
@الحالمة @جوك بيرك @وائل الغريب

اذا ما تعتذرلي اصير رده
ولا اتوسلك ترجع عليه

 

[عبد الرحمن]

انا العاشق واحبك شاهد الله
واذا تزعل اموتن شاهد الله
اموت عليك صدك شاهد الله
وانــه الممنون من تسال عليه

 

[ابن الرافدين ~]

مرسومة بجلدنا ذيچ الأنياب
الجرح لو طاب هم يترك نياشين

الكاطع

 

[ابن الرافدين ~]

قلمي




وحشه الليل كله وناس نيام
وانا سهران الج وانتظر جيه

اي هسه تجي لا ماتجي اليوم
وابقى مناطرج والقهر بيه

حيرني الغرام البيه غيابات
وناري التشتعل صبح ومسيه

عطش بستاني وانتي العود ترويه
ما ادري وغلاتج مانعه الميه

تكتليني وتدفنيني وترجعين
وياعيني ببراءة تكَول شعليه

ما ادري وشجاني وليش وشلون
عفت الدنيه كلها وكلت بس هيه

هيه بس هيه الاميرة القاسية
جيت اذكرهه بعشكَهه الناسية

جَان كل ظني محبتها جبال
هيج من الله جَبيره وراسية

هي مره تشوفهه تحب بجنون
وفجأة تتخبل عليه وجايسه

مدري طفلة.. مدري خبلها الغرام
ببطني هي بكل دقيقة دايسه

هههه

...

لي.. الان

 

[ابن الرافدين ~]

انت الوحيد اليبقى طيفك وياي
بنومي بيقظتي تبقى انت ببالي

مهما غبت او فرقتنه الأيام
تبقى العزيز ويبقى اسمك غالي

ما اكَدر انسى ياحبيبي وشلون
بكل لحظة انت بغنوتي وموالي

من تجي بلحظة انسى كل الالام
ولو غبت لحظة تنتكس احوالي

كَلي الطريقة البيها ممكن انساك
بس الله يعلم شنهو صار بحالي

حبي الجنوني بس الك يامجنون
تحلالي انت وما بشر يحلالي

وابقى أحبك شما كنت او تكون
وبوسط بروحي تبقى انت الغالي

...

قلمي

 

[شَمَّـمْ🤍]

”حبي فوك حبك زاد....مرتين
‏وابد بالدنيا محد عاش....مرتين
‏تدري العمر لو ينعاد...مرتين
‏اشيلن عمري الك وأنطيه هديه..“

،
/

 

[سومري]

گلي شلون من تغيب بعداك
انقلاب يصير عند الروح بعداك
اشوه الموت انه ولا يوم بعداك
اخافن ضحكت الشامت عليه

 

[madness man]

سعد محمد الحسن الله يرحمه
يقول

لا تتبع اثر بخدود الرمال
اذا جانت مطر ومسودنة الريح

 

[madness man]

مارهم

رهمت اعليك انه بلياك .. مارهم
يابو اليمه اعلى جرحي الكَاك .. مرهم
بجاه الي عليها اهواي ... مر هم
مر بليلة الوحشة عليه

 

[madness man]

يحيدر مايهمني العمر ..يو رك
هلا بالموت كون الجفن.. ياراك
باجر ياعلي لو صرت .. يارك (جارك)
عليك الزهراء خل عينك عليه