رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾
طفل بعمر الست سنوات كان مع امه يريد ان يعبر بالعباره قال لامه
(لسان حاله )
يا يمه اريد وياج اصعد واغني
والدنيا تحلى هواي من تحتضني
ردت الام :-
حاضر يايمه نروح يا بعد روحي
يالغمزه من وجناك تشفيلي كل جروحي
صعدوا الى العباره وحدث الذي حدث..
وبعد ان غرقت العباره
قامت الام برفع ابنها فوق الماء لكي لا يغرق والتقطه بعض الغيارى وغرقت الام
هنا الطفل بدا يعاتب امه لانها لم تعد:-
وينج يايمه ارجوج ارجعلي فدوه
صغير وضليت بلوه باثر بلوه
وكان جواب روح الام :-
يا نهر كافي ارجوك ارد ارجع لابني
بس بوسه وحده احتاج وارجع وخذني
رد الطفل :-
لا يا يمه احتاج كل عمري بحنينج
مو بوسه وتروحين وتغمضي عينج
هنا ردت الام
طفل واعرفك دوم ما تكدر بدوني
بس الطمع يا حيف خيب ظنوني
هنا اجهش الطفل بالبكاء قائلا :-
وصيلي ملك الموت خل ياخذاني
شمعني اعيش بغير شمعه زماني
ردت الام:-
يا يمه عيش بخير هيج انه ردتك
يالفدوه كلها تروح بس لضحكتك
):
