أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عندي سوالف متَيهات منو اليحضني وأحچيهن ،

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عليك الفين مرة اتعوذ الشيطان
وأقرأ شما اشوفك سورة القدري
واغار عليك صدك حته من بليس
خاف يبوس خدك واني مادري.

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بية حسرة ... واحس كلش مختنك
حسرة عشك !!
مدري جرح !!
لا ... يمكن فرح !!
هية تاهت ... تمرة ومضيعة العثك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الماطاح لمن عثر
تلكاه عندة ولف
يكدر عليه ينتجي
والعاشگ المنذبح
شتفيدة شبكة صور
لو ورقة بيها حجي
والعين من تختنك..!
معناها حنت صدك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

سد شبابيچك يگلبي الريح ما تنگل جدمهم
الريح تنگل بس عطرهم
احنه شو بس همه عدنه
وهمه بس اعذار عدهم

(حيدر العماري)

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

إنـتة مــوجــود بحيـاتـي
تـروح تبـقى حَـتى بعـيوني
مـن أدور ألـكـة تـارك ذكـريـات

(ايهاب المالكي)â‌¤ï¸ڈ

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مالى صروف الدهر تؤلمنى و ما للزمان بالسقام يضنينى
هل غير الحياة شقاوة أم بلذة للداء تشقينى

هاتها الأنفاس أطعنها ببسمة فأحيا برغد أو تبقى بتكوينى

و ما للأيام بدائها تعرفنى و ما سمها بالسطر يحيينى

فقالوا أثمت إن شكوتها قلت شكايتى لله هى التى تحيينى

قالوا جننت حين وصمتها و هى التى وصمتنى و بنعتها تكوينى

و قالوا شغافك إن تعلقت قلت مفارقها و إذن الله يحيينى

أقد جننت بن بدر بين دروبها قلت تالله علمتها ستردينى

ما حلت لعبد إلا و أوحلت و ما أزهرت بالخلود لتعنينى

و ما طابت لآدم بكسر الشذا و ما كادت إلا و بشرها تفنينى

خذوا سعيرا منها أو إحتطبوا و إن دنت دعوته الله ألا تغرينى

أو إجمعوا لدار الخلد أعمالا فحسن الجوار يبقيكم و يبقينى

جننت بالدنيا و ما أثمت و ما شيدت بالقصور حتى تنادينى

فأنا من لهوت و من لغوت و من أثمت فهاتها السطور تنادينى

جمعته المال و أطعت قلبى و تحجرت مدامع العينان لتنسينى

أن الحياة مستقرها فى نظرة لوجه الإله و النور إن يلاقينى

و فى شربة بيد الرسول و محمودنا عند الصراط لما ينادينى

ألدار بنيت لأتركها و الأعمال ترجمنى بصغار و الذنوب تشقينى

ذكرونى بقبرى جمال الـكون أجمعهُ و الملائك بالسؤال تأتينى

و يا رب قلبى إن لانت ضغائنه للشر فمن شرها يا رب نجينى

و قل للبساتين بالطاعات أزهرها و إن أخمدنى الموت على نور الوجه تحيينى

كلمات #الشاعرجهادبدر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ثگل نومي
وكمت مافز بعد عالصوت،
افز من يرفس بعيني حلم ويموت

(كرار_الصيمري)

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حنطآوي وجهچ ينعشگ

وعيونچ تحَلي الكحل.