أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اذا شفتگ ⁩ .. اگود عيوني لعيونك .. و اضل ابجي لحد ما يحجن رموشي ...
و تطيح مبللة شلونك ..

 

[mohammed.shams]

الليله راح افتح خلگ ..
كلش چبير..
حتى اشوف الليل
مِڼـّي شــيريـد

 

[mohammed.shams]

ليش انباع
او ولا حنه بضفيرة التشتهيني اشراع
بس درب الغريب الضاگ جدمي امتاع
اتيهك والدرب يندل
عطر نعناع
شني ذنب الشمس دارت وجهه الكاع
ليش تلوم
شما تزرع وجع بالروح اخضرلك قصيدة و آه
وشچم آه رازونة
وشچم طيف ضاع وضاعت عيونه
وهذاك انت ولا ملك

 

[mohammed.shams]

اشد بجروح حبك مشتهي انساك.
واكول ارتاح لو مرة نسيتك.
نسيتك عود لحظة وكيفت بيك.
واكف بالدمع عل خد لكيتك

 

[mohammed.shams]

عريني شوكك كلشي بيه انشر
صحراء وجهي اتريد شهكة مطر

 

[mohammed.shams]

شميت ريحتكم امس
بالحلم جامعكم عرس
فززت روحي الخايفة
فزيت متسودن مثل
جن مريم وجابت طفل
ورجال ابد ماشايفة
ياهو اليقنعني حلم
واضحك واجيكم مبتسم
واحلامي تطلع زايفة
يالعفتو طاريي شعجب
وطاريكم بحلكي تعب
والله ابد ما عايفة

 

[mohammed.shams]

بعيوني عاين غفل
تقره الحزن ‫‏بَسمَله‬
بالجفن سورة ألم
بالرمش آية ‫‏بله‬
اولها كلمة و ج ع
اخرها كلمة ‫‏هلا‬
تفسيرها المنجرح
طيب گلب وبتله

 

[mohammed.shams]

"تعال بغيبتك چلبت عندي التاء...
تجي
ترجع
تردلي
گلي يمته ؟؟ كلهن خلصتهن وانت ماجيت

 

[mohammed.shams]

انه وي شوفتك دآس
اعله جفني الليل
و مو بـ اجدآمه دآس
بـ حآفر المُهره
يـ التنعس گبل
مآ يطلع الخفآش
انه بليآك كآسر خآطر الگمره

 

[»❥ Q̃̾υ̃̾ééи̃̾]

أحبك ومااحب غيرك بدالك
وشوقي ماأبدلة لغيرك بدالك
أني وين الكي يافلآن بدالك
ملاك ومن السما نازل عليه