أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

من ياصـوت اصيحـك والـصدى يجاريـك واگلك مگدرت يـل تـگدر بـلياي

 

[mohammed.shams]

لاتشتاگ
للماله خلگ ملگاك الجيه ابلا هلا من بعيد
بحساب اليرد مهضوم بـ الله وياك ..

 

[mohammed.shams]

إذا صار العشك للبيع
لا تعتب على الشراي كثر اللوم ع الباعة

 

[mohammed.shams]

شديت روحي بغصن بلبل وگف ع الچتف
يذبحني صوته لأن يطرب لحن قصتي

 

[mohammed.shams]

يخنگني السهر واتنفسك نعسان
وانام وذكرياتك ب الچفن تفرش

 

[mohammed.shams]

باچر تصومون لو تگضوها طگ!!
احنه نتسحر حبايب
وانتو يخلص ليلكم وي التفگ
و مدفع الافطار يتوجه عليكم !
واحنه نفرح بي مندري يا جفن توه انطبگ؟
و (عافيات)
شگد حلو الصايم اذا يعطش شهادة
ويمطر بصدرة الفشگ !!

 

[mohammed.shams]

عشگ طاهر عشگتك
مو عشگ مجنون
عشگ مؤمن يخلص الليل يدعيلك

 

[mohammed.shams]

كلما اگول اعبرت
يتبعني حبل الصوت
حسبالي من ابتعد
كل ذكرياتي تموت

 

[mohammed.shams]

تعال بلا عذر..معذور
أمشي عليكَ كل ذكرى ،

 

[mohammed.shams]

يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره