أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

دبرولي مساحة عمر..
خل امسح سنيني..
ارد امسح الخلصن سوه
مابينها وبيني
وارد اغفه ..وأكعد..مبتسم
مو دمعتي بعيني
ياوكتي فك باب السبع
جا موش ضحكت النذل؟
بسك تبجيني..
خنتيني يا.....اول نبي
يطلعني من ديني....
سيف الحلفي

 

[mohammed.shams]

شده ياورد چنت ألعب أنه أوياك ...
هسه مابقت لا شده لا ورده ...
أشد جرح أبجرح صدگني من أشتاگ ...
وأظل ألعب أوياهن ياجرح شده ...

 

[mohammed.shams]

يكولون الكرامه اغلا مافي الكون ادوس اعلى الكرامه لخاطر امي

 

[mohammed.shams]

الدنيا تتعب من تحطني أبالها
آنه أول ماصرت خيالها
الليل رافگني وترست اعيونه نوم
وفرزنت نجماتها من اهلالها
الميت اتعرفه عزيز من النگاب
والجنازه اتبين من الشالها
السلم من اليسره ماداخل مضيف
ومن تلومه الناس گال اشمالها
شايل براسي حچي من احچي اموت
ناس صعدت بالحچي المو مالها

 

[mohammed.shams]

الك نيه ترد؟؟؟ موترس راسي الشيب ...
إلي يم الله كل إغروب تسيوره ...
يغافلني الدمع يوصل لراگ العين ...
وأنه بنص اخوتي وعيني محموره ...
وأحط شعري ستر واترس قميصي ادموع ...
صغير ونشغتي ب هااا يمه مستوره ...
أستحي من الله من أصلي وبالي مو وياه ...
أرتل صورته وبّالي الك صوره ...
عين لقبلة الله وعين للشباچ ...
إچفوفك مانوت شباچنه اتزوره ...
أندليت السمه من كثر مادگ بوب ...
رد مو شيلة أمي انترست إنذوره ...

 

[mohammed.shams]

الياكتر ياشوگ روحي تريد بينه الياكتر.
تايه ومامش علامه ومالگه ولايه العمر..

 

[mohammed.shams]

قفشات في ليلة القدر >> [ مو وكتهه ]

* عندما جاء نبينا الاطهر محمد "ص وآله" ليدعو الناس للاسلام قالت له‫ ‏قريش‬
[ مو وكتهه .. مكة تزهو بالتجارة والحج الى الاصنام ودعوتك هاي تسد رزقنة ]

* عندما استشهد الرسول الاعظم جاء القوم الى وصيه ابي الحسن علي "ع" وقالوا له >>
[ مو وكتهه خلافتك بعدك ‫صغير‬ 33 سنة ]

* عندما خرج ابو عبد الله الحسين "ع" ‫‏للاصلاح‬ قالوا له >>
[ مو وكتهه اكعد يا سيدي وادعو هنا لدين جدك حرامات تنذبح وتسبى عيالك والناس شلع ضدك ]

* وعندما سيخرج ابو صالح المهدي "عج" سيقول له المنتفعون >>
[ مو وكتهه‫ ‏ارجع‬ يبن فاطمة المذهب بخير والحكم بيدنا منحتاجك هسه ]

 

[mohammed.shams]

- نحنُ تحتَ سماءٍ واحِدة
- لماذَا لا نَلتقِي

 

[mohammed.shams]

اللي بـگـلـبه حـچـي ...
دگـاتـه شـتـفـيـد؟؟؟
مـثـل واحــد يـدگ
والـعــرس مـو عــرسـه

 

[mohammed.shams]

عتگ بالي

وصوركم هنه هنه