أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عتبنا هواي يم الله
وزعلنا هواي من الله
وصرخنا هواي بأذن الله
وميسمع صوت !
چم دوب العراق يموت
نخبر بالزلم ونشبع التابوت !
چم دوبك ولدنا تموت ؟!

 

[mohammed.shams]

وماكو حظ
الماي أشبر
وآنه متر ونص بجي

 

[mohammed.shams]

حتى من ‫#‏الفلح‬
كامت تضوج ‫#‏الكاع‬
بس ينحط ‫#‏كرك‬ حسبالهه ‫#‏جنازه‬

 

[mohammed.shams]

عفيه عزرائيل .. عاشك هالبلاد
ادري .. بس احنه انخلقنه بهالارض
يعني صار الموت ويانا يعيش
ويعني .. تطبيقه صبح عدنه فرض
عدنه احنه الموت .. إلا باانفجار
يعني موت الله أظن عدنا انقرض

 

[mohammed.shams]

خط أحمر عراقيتي وفنه اليفك حلگه *** كلي هيبه وإسم الوطن نيشان ومعلگه

 

[mohammed.shams]

أحس كلشي يوازيني ..
بسبب كثر الحزن مرات ...
أضمن وجهي من عيني !!!

 

[mohammed.shams]

ها بغداد مايردونج تعيدين --
شــلون الفاسد يخليج ترتاحين
ها بغداد بالكراده قصورهم يمج
نايمــــه لو صارالصبح تصحين
امس انتي كســــرتي هيبة الدوله
بابين جام وقنفه اولادج مكـــسرين
ها بغداد اطلع كل ســــواليفج
اذا انتي نسيتي همه ماناسين
واذا انتي نسيتي شلون رعبوها
ابت الاقليم العفيفه شلون تندكين
ترجـــــــيه بااذانج هاي خليها
ابو الزاهي يضل وانتي التموتين

 

[mohammed.shams]

ياأهل المكبره ماعدكم ارقام
طك كلبي واريد اسمع حجيكم
تغير صوتكم مـــِن غربه الموت
لو بعده الحنين ايدور بيكم
بااذني الصوت.رغم شما تبعدون
بس ايدي تريد اتبوس اديكم
يااهل المكبره مابيه بعد فراك
تجون اليوم لا والكعبه اجيكم

 

[mohammed.shams]

اجه رزقك توكّل گوم يا دفان
وطن وزع زكاة الفطره بس شبّان ..

 

[mohammed.shams]

-مـا ظلي ولا واحد من الصدقان
يوميـةة اسلم واحد لـ دفان
جا هو الدمَعع شيصير
لـو بآﭼـي عليگم بيـر
هم ينششف؟
يملگ الموت صاير بالشباب اصلف!!
جنت حدگ ورة السبعين
هسةة الشاب يحلالگ ..
هسة الگذلة من تطير تبرالك
انـة تمنيتگ عندڰ بيـت
حتى افتهم شراح تگول من تتفجر عيالگ