أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عطشانه روحي اعليك يالكاطع اوياي
مثل الشلب بالصيف من يشتهي الماي

 

[mohammed.shams]

صفك بجنحه وطار عالي وجزه اهواي
وبعيني شفته ايحوم وجر عله عداي

 

[mohammed.shams]

شوف الله شوف الضيم شوف المصيبة. .
أعمى ابسلف خرسان ضيع حبيبه..

 

[mohammed.shams]

أخرس غرك بالماي يأشر بصبعه. .
والعلجرف عميان ياهو اليطلعه.

 

[mohammed.shams]

إن أبغض الحلال عند الله العراق
(إمرأة تخاطب قبر أبنها المتزوج حديثاً)

 

[mohammed.shams]

مستاهدك كل كتر...
من كل مسامه بروحي ألك حنت
گالو تجي و العافيه ادنت...
وصليت ل الله وهمت
بس كون جاي و باقي شي منك...

 

[mohammed.shams]

حزن والشوف يتكسر ورى الدخان وابنادم لگه ابنادم
وتعب محترگ مر من بين المرايات
لآخر شيب بس طاح اعله خصر ادم
غنه اشموع الفجر لناس جاس الحيل
وتعده گمر مني الرفيف الدم
اثاري الاه تبدي منين. ماتلگه وطن يحلم !!

 

[mohammed.shams]

حته الماي بطراف العمر يضوي
حته الغيم بطراف الجفن يضوي
زتني العمرك مراية شربها الليل
من تهتز خيال الگاك گبل الحيل
جيل يموت يطلع جيل
وابنادم لگه ابنادم !!

 

[mohammed.shams]

المحيرني
أريد أعرف الدنيا أشلون تاليها
ليش الناس
بس السالفه المابيها ذره خير حفظو كل معانيها

 

[mohammed.shams]

لا والمشكلـة چـروح العـزاز عـزار
من تنلـچم بيهـن صيـح هنيالـي !!