أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عدنه اشلون دولة وبيهه حرية
حسنة ام اللبن صارت سياسية
حسنة اشلون لعبت بالخلگ طوبة
راحت للسياسة وعافت الروبة
الفضائيات كلهه أعليهه مكلوبة
وامريكا يربي بيهه مسبية
حسنة ام اللبن صارت سياسية

 

[mohammed.shams]

حسنة لفلفت كلشي بعبايتهه
وسبعة الاف من تمشي حمايتهه
بسوگ العالم امشكله وزارتهه
وحكومتهه حكومة محوة امية
حسنة ام اللبن صارت سياسية

 

[mohammed.shams]

طلابتنة چبيرة وحسنة حبابة
وبوش ايگول هيه اتحل الطلابة
حسنة للحكم صعدت ابدبابة
وگامت ترسملنه خطط امنية
حسنة ام اللبن صارت سياسية

 

[mohammed.shams]

ياناس اعله حسنة بعد ما نعتب
لأن مگرودة لا تقرة ولا تكتب
ملتهية تفرهد بينه وتسلب
وحصتهه بنفطنه الف بالمية
حسنة ام اللبن صارت سياسية

 

[mohammed.shams]

ماندري اوية حسنة اشلون تاليهه
ياناس وتعبنة من بلاويهه
لأن دولتهه حاميهه حراميهه
حظنه الوگعانه بحلگ واوية
حسنة ام اللبن صارت سياسية

 

[mohammed.shams]

گالوا حسنه راح اتعالج الأحباط
وتذب شيلة فكرهه وترد تلبس قاط
وتأسس حكومة كلهه تكنوقراط
وتعالج بناء البنى التحتية
حسنة ام اللبن صارت سياسية

 

[mohammed.shams]

لبست قاطهه وتسودنت حسنة
وردت تزمخ اعلينه وتفارسنة
درجعي للبن مو خرب واهسنة
عساهه أبخت من سواچ حزبية
حسنة ام اللبن صارت سياسية

 

[mohammed.shams]

ما مشتاگلك بس هيه ازمة ليل
ما يخلص اذا ما تگعد أبالي

 

[mohammed.shams]

‏ من باب أموت بغيبتك ومن
باب أموت بجيتك وللّيوم مدري
شتنحسب ! محبوبي لو چتالي ؟!

 

[mohammed.shams]

‏وانا ذآك الظلت عيونه عليك
وماكدر يخطيله خطوة