أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

شكثر شوغات من وكتي تلفني
جكارة بتــــــــتن وجفوفه تلفني
كطف ضليـــت من خلص تلفني
بشارع واليفوت يدوس بيه

ل كاتبها

 

[رمااد اانسان]

شكثر جرني الحزن بجفاك ..... ماجور
ودليلي من هضم دنياي ....... ماجور
انه الطم واليالي اصيح ........ ماجور
انسبيت ولا فرح مر طيف ..... بيه
منقول

 

[رمااد اانسان]

أبد مو ثوبي لبس ثياب اﻷنذال
وﻻ طبعي الغدر والقيل والقال
صحيح الدنيا عميه وتمشي مگلوب
وصحيح الوكت هذا اليوم چتال
لچن يبقى الشهم يسّابگ وي الريح
ويظل طبعه الوفه حتى وي الأنذال
ومن طبع الوفي مايحچي وجهين
وﻻ ينكر صداقه وﻻ يثمن بمال

 

[قمر]

تـوادعنه وحچينه بــلاية دمـعات
وتلاشه الفضول وما گلت (وين)

سكتنه الگلــبْ ..حچينه العقـول
هـذه اول طعن مـابي سچاچين .

 

[رمااد اانسان]

‏اماشة الدهر ياذيني/ ويعمين
‏علية وراحن اعيوني/ ويعمين
‏الويع من غير راعيه/ ويع من
‏چذب كلمن يگول البيك بيه..

 

[داليـا]

والله لأزرعَلچ السَچة وَرد مّن بَيتج لحَد بَيتي.

 

[داليـا]

مِثل طِفلة فرحَتي اتخِاف مَن الليّل
يَخزرهه الحَزن ويگلِهه وچ نامِي ،

 

[جنـوبـيـة♡]

- هـلا بگل اليجن ولما يجن منك
يبعد الما يرمشن من يشوفنك .

 

[رمااد اانسان]

ماتاجرت بأسمك بس تعاطيت
بيني وبين هجرك اعدام
شفتك بالحلم فزيت مرعوب
مالحكت اشوفك مسرع اجدام
ملثم من تمر! ماعرفك تريد؟
اعرفك لو تحط اعله اسمك الثام

 

[رمااد اانسان]

الشامت جر دليلي بالطوايف
صحت وتريه ولفي بالطوايف
ترضه يلاهي اخمخم بالطوايف
اعله واحد من عبادك كطع بيه