أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[فواز]

عليك العين مو دمع تكت الك
وجروح البيه متحلفه تكت الك
احجزت من كلبي تكت الك
دسافر وروح ولا ترجع اليه

 

[فواز]

ملاك من السما نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انته عسل لازك بديه

 

[فواز]

هوى المحبوب ماينكشف بسحار
وكلبي مابرد وياك بس حار
الك مديت واير عشك بس حار
ينتلك لو كطعت الوصل بيه

 

[فواز]

وحق الناي من يعزف وخنته
ابد ما عاشرت صاحب وخنته
حبيبي وصاحبي وروحي واخي انته
وانتة الرمز للخوة القوية

 

[فواز]

جميل انت والاجمل بيك خطك
ويهنياله الصورك بيده وخطك
اريد اسأل يغالي شنهو خطك
اذا زين العراق اتصل بيه

 

[فواز]

قدر مكتوب حبك من تقسمه
الواحد ماله ناتج من تقسمه
لون بسيوف كلبي من تقسمه
تشوف بحبتك شمسويه بيه

 

[فواز]

وحق من خله فوك الروس هامات
عليك الروح بس تسأل وهامات
يمعود علي اسئل ها عدل هامات
ولو بس الفاتحه اقراها عليه

 

[فواز]

يجاري الماي حدر ومن باب البيت مر
ضلت همومي سوالف والريج بسمر
ليلي الاسهره بجفاك مابيه حلو بسمر
يالمحاجيك ذهب هم تعود ليه

 

[جنون العاطفه]

چانن عيونك صدف و عيوني موعد
وين ما نتلاگه غربه

 

[جنون العاطفه]

ردني ل اول سالفه بذاك الدرب من نمشي سكته
ردني ل اول مستحه يطيح ب احبك
ردني ل اول نضره جانت عايزه
تسافر الكلبك
لمني يمك
وانه كل ثانيه بكلبك راح احبك