أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

الوكت زامطته كتله وك اواريك
الوكت عيب امتحني والكواريك
عشرتي وياك مرضع والكواريك
ادفعك غاد وادري اترد عليه ...

 

[رمااد اانسان]

الچانو عون وكت الضيج يدعون
طحت ماشفت منهم دوم يدعون
بـعـدني بـخـير والشـمّـات يدعون
اعـلـه مـوتي وحـضّرو جنّاز إلـيـه.

 

[رمااد اانسان]

الدرب رمشة عين جا مايجيني
حرمت كلشي اخلاف وجهه على عيني

 

[رمااد اانسان]

صحيح بعيد بس كلبي شعر بيك
حزين وباقي بس اكتب شعر بيك
عجب شلون ضل اسود شعر بيك
وانا بفراكاك بس الشيب بيه

م

 

[رمااد اانسان]

وحگ البير والبلبير ودلاه
امحلت بعت المظيف اليوم ودلاه
يلاهي عبدك المتعوب ودله
مصيرف بس يعبر العيد اليه

 

[رمااد اانسان]

تركض ركض بخبال دنيه امداها
والمشكله امصدكين نركض وراها

 

[رمااد اانسان]

كل عام اليمرنه بخير يمته نگولها وتصدگ

 

[قمر]

شضايعلك وتلتفت ؟
شمأخوذ من گلبك !
چنك ولا جربت
من تخسر بحربك
من ترجع
بلا حلم ، لا صوت ، لا ذكرى
ماتلگة منك اثر
بس جرحك وعطرة
شگد عايش انتَ چذب وسنين ماتسوة
وايامك الـ (موصدگ)
ماتعرف شتنحسب
من عمرك الـ (مو الك) ؟
لو تنحسب عمرة !
شتريد تخسر بعد ؟
وشعندك تخسرة !
كل ماحظيت بولف
بگلبك حفر گبرة .