أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

احس الگلب يوكف من...تكلمه
وراح انطيك گلبي وأنت...كلمه
بعد اما كدر اسكت هيه...كلمه
أحبك حتى لو تزعل عليه

 

[رمااد اانسان]

عفه عقلي بجفاگ شلون ماخاف
وچدمي لغير شخصگ ابد ماخاف
ولون الموت عني شبر...... ماخاف
اذا حبگ فرض.......موته عليه

 

[رمااد اانسان]

تعال ارجوك لا تبعد ………….علي مر
العسل بشفافي من دونك …..علي مر
مثل كهوه أصبحت عكبك ….علي يمر
افورن والكهوجي يخوط بيه

 

[رمااد اانسان]

مرسال الگلب صاير-------- ورد لك
ومحبتك باالدرب تشتل---- ورد لك
شكد أفرح من تراسلني----- ورد لك
وأرسل روحي للغالي هديَُه

 

[رمااد اانسان]

العسل ما يوم عند الناس ينمال
وگلبي الغير شخصج عيب ينمال
دهرني الخصر من ممشاج ينمال
حول طگني ورباعي الشلل بيه

 

[رمااد اانسان]

امدلك في رياض العمر خطوات
واعبرلك من الزلات خطوات
ايا طفل واعلم بيه خطوات
تاته وتاته ومحاوط بديه

 

[رمااد اانسان]

موش ابگفاي ارداف يل ترمي واهم
مگابل تعال اوياي حتى انتفاهم

 

[رمااد اانسان]

سولفنه شكَبانين بس ما حجينه

اقرأ شتكول العين وهم تقرأ عينه

 

[رمااد اانسان]

بالهوى عيون هواي تكتبلي وقراه
او محد عرف شيكول بس أنا وياه

 

[رمااد اانسان]

انشدكم اعله الليل شـــخباره عدكم
ياخذكم ابحســـــبات مثلي ويردكم؟