رد: يومياتي من وحي كتاباتي الخاصة بقلمي
يامؤمن مااوصيك من يحل شهر الرحمة وتصوم برمضان
مو بس قصدك القربة لله بس ردت بصومك تتذكر العطشان
حسين من تحس بالعطش تذكر يبست كبده ورضيعه ظمآن
ومن صوبه حرمله بنحره سقاه بدماه يالقسوة هالعدوان
وخذه للمخيم فرحت سكينه جانت صايمه وقلبها للمي لهفان
صاحت يابويه سقيت اخوي ماي رويني ماي يانسل
ياصايم من تفطر اول ماتشوف الماي تذكر قمر بني عدنان
من غرف من النهر قطرة تذكر عطش الحسين وجملة الاخوان
هيهات اشرب قبله ذب الماي وتحسر وقلبه عليهم حزنان
ياصايم لو عاينت طفلة زغيرة صايمة خلي الدمع غدران
وتذكر رقية لمن صرخت عطشانه ياعمى لااموت ياريسان
ونسوانك لو شفتها صايمة تذكر بالمخيم عطشانة نسوان
ظلن ثلاثة ايام يابس كبدهن بس ياهو اعظم عطش الرضعان
ولو شفت شباب صايم تذكر الاكبر خلوه بدمه عالرمضى غرقان
بعدما وزعوا اوصاله وجنبه القاسم العريس مطعون يالذبحة الشبان
بس لسان الحسين من الحر والعطش ظل يابس مثل خشبة هاللسان
وظلت شفاته المقدسة الطاهرة ذبلانة وعرق قلبه ظل ذبلان
ياصايم تذكر عطش هذا مايعادل ذرة من توجه الغريب للميدان
وتوسل الانذال ياقوم اسقوني لقد تقطع قلبي وحق جدي انا عطشان
جاوبه الملعون مانسقيك قطره ونحرم عليك الماي ونحلله للحيوان
ياصايم تذكر حر وهجير وظلم الحسين وانت صايم بمكانك وبردان
والحسين مطروح على حر الثرى يعتفر ومخضب من فيض الدمان
والنجس شلون تربع صدره الطاهر ماينلام الرجس بكاس المنكر سكران
اعذرني ياصايم شلون هبر اوداج المظلوم والله ماجت حزن كل الاكوان
واهتز عرش الله واسود الفضا وامطر السما دم عبيط وصاح عرش الرحمن
وبكت الحور العين واعلنت الحداد وحزن وياها اسى وبكت جميع الولدان
والزهرا بنت النبي ساعد الله قلبها شقت الجيب ونزل معاها ابوها من الجنان
ياصايم تذكر قلب الام من تفقد عزيز شنو يكون بحالها بس فاطمة ياانسان
فقدت عزيز صايم ظمآن وطحنت ضلوعه الاعوجيه بكل هوان
والخيول المنعلة يالصايم شسوت نثرت لحمه الطاهر على التربان
الله يساعد قلبج يافاطمة بكت لمصاب عزيزج الحسين حروف القرآن
الزهرا تنادي ياصايم لاتنسى اوليدي حسين اللي بكته الانس والجان
ياصايم لو حسيت بالعطش اذى قلبك تذكر بقلب حسين اشتعلت نيران
آخر الوصايا ياصايم لاتنسى من تتذكر عطش حسين اذرف دمعك غدران
حصري بقلمي
[font="]فتنةة العصر[/font]
