ابو مناف البصري
المالكي




بيوم اتسعطعش حيدر

بعده اسحوره ماتمَّه
يعاين للسِّمه إمحزنّه

ونجمّه تعزي النجمّه
هز رأسه وسحب حسره

وگام يتمتم بچلمّه
هي واللهِ هالليليله

الوعدني المُصطفى بعلمّه
لف إعمامته عالراس

وگام يرتب ابهدمّه
سحب مزلاج باب الدار

عاند چنّه إيلزمّه
يمنعه ايريده مايطلع

هالليله يظل يمّه
علگ ميزره وحلّه

يريده ينزعه من جسمّه
لچن شاله أبوالحسنين

ينشد شعر ويلمّه
(أُشدُّدْ حيازيمَك للموت

فإنَّ الموتَ لاقيكا
ولاتجزعْ من الموتِ

إذا حلَّ بواديكا
كما أضحكك الدهرُ

كذاكَ الدهرُ يُبكيكا )
فتح بابه وتلكّنّه

إجت أوزاته ابهمّه
كل واحد فتح جنحه

يلفّه ابصدره ويضمّه
مسَّد روسهن جنَّه

يواسي أطفال متيتمّه
صوائح گال تتبعهن

نوايح ما ثنت عزمّه
صاح أعلى الحسن وحسين

وعنهم أمره ايكتمّه
طلع من بيته شاف الناس

إگبال الباب ملتمّه
مشو موكب وراهم صار

اصفوف اصفوف مزدحمّه
صعد للمأذنه وأذن

بعد ما كمل الآذان

دعا الرحمن ويعظمّه
نزل قاصد المحرابه

أو وگفه الناس ملتحمّه
وصل يم اللعين الجان

غافي وسيفه يظمّه
وگف عد رأسه ايندهّه

جان أعلى الوجه نومّه
هذي نومة الشيطان

يگلّه وبيده ايكومّه
إذا انته تظل نايم

ياهو اليشطر العِمَّه
ولحيتي شلون تتخضب

لو مو راسي يدّمّه
اجه المحرابه ابلهفه

أو وراه الناس مأتمّه
أقام وكبّر ورتّل

ركع للباري أيعظمّه
سجد سجده ورفع رأسه

إبن ملجم هوى بجرمّه
انشگت هامته نصين

وبمخه نكت سمّه
وربِّ الكعبة فزتُ صاح

وطاح امخضب ابدمّه






حان المصاب اليوم نوحوا يشيعه

راسه انطبر نصين حامي الشريعه
#إتآمرواعالكرارولدالملاعين

ظنهم إذا كتلوه مايبقى كل دين
#ياشيعةالكرار وين الموالين
إنواسي الحوراء ويّ أم البْنين