ابوي شكد حنون يفيض وجدان ابوياصحابة تتباهى بصفاتة...كريم يجود حتى بلقمة اعشاه وقف للناس ناذر كل حياته....اذا يسمع طفل فد يوم جوعان توكف لكمته بطارف لهاته....من يوكف يصلي تفيضة الدموع ودموعه تصير سجادة صلاته...بشماغة بخت وعكاله شارات صر هموم ربعة بسد عباته ...شريعه تشع امل وشراع بالريح لجل الناس ناكر دوم ذاته ....وابوي الغيرة عندة جروف نهران منها اصحابة تغرف والشماته...وابوي شيكصي وكته يكوم تفاك يتوجة على جرحة بكل رهاتة ...سمح يلكي العذر لليخطي وياه عفة وحلمة جرجوبة سماته....ماسد باب جوده بشحة الجود عنوان الكرم كل ذكرياته....كل شبر بمظيفة عدال ديوان غاص من الزلم حتى بمماته... وابوي الخير بيده شيكرم يزود مثل حرير العراق ومي فراته
