الكلب لوينساك للسوك اجيبة
واكتب عليه للبيع خاين حبيبة
من عندي اخذ مرخوص يا ولفي شتريد
ومنك ردت وانخاك فد بوسة بالعيد
كل يوم اكول اليوم باجر يمرون
ومن كثر دمعي السال ماضلت عيون
خلني اشتعل يهواي بس انت تسلم
وحته العذاب وياك يحله ابجهنم
خليني كربك دوم اروه من اشوفك
وانت النظر للعين واشلون اعوفك
حطيته بالدلال كل كصدي ادريه
تالي الوكت الكاه فال ويدج بيه
حطيته بالدلال وايجه بالفال
جا انه وسط العين خلاني وشال
اخ اشكثر على الاخ متعوده هالروح
حته بفرح نوبات من تطرب تنوح
ارد امشي للمحبوب اتعاتب وياه
هم يدري تعمه العين تبجي على فركاه
ابجي بتوالي الليل بس ابجي بهواي
والصخر لو له اعيون جادمع اوياي
انه الخنت يهواي لو انت غدار
لا تنسه نوحي ذاك يم عتبت الدار
ارد انشد الدكتور اليجبر اعظام
شنوه الدوه الموصوف كسراته الايام
حرموني حتى الصوت باسمك فلا صيح
دمعتي ابطرف العين بس ارمش اطيح
شمالج ييمة وليش جبتيني للظيم
شو بس علي دنياي تمطر بلا غيم
عمدة ارد اذري الروح وبعاصف الريح
بلكي على نزل هواي من تصفن اطيح
اتعجب ايلوجون من كسر العظام
احا وجعهن حيل كسرات الايام
وين الجفن ينباع يل شايل الخام
عدلة ارد اطمها الروح من ظيم الايام
سلاني سل فركاك اوجر بالعظام
حط محبس على الراس يوصل للجدام
اخ اشكثرها الاخ مكروهه مرات
ميت ولا تنكال لو يمي شمات
ينشدني كلبي واخ من نشد الكلوب
يلتمن الحسبات ليش وية الغروب
كتلك تفضل فوت كل قصدي للبيت
اشمالك دفعت الباب وابكلبي طبيت
اليمك حجالك زور مرلي وحجالي
بس مافهمت اشكال جنت على بالي
هاك اخذ شيب الراس واتحسبة فنك
كل هذا مو من شيب كل هذا منك
يتشابهن بالظوك ملحك وملحي
بس انة الك على الزاد وانت على جرحي
كلي انت هم تشتاك واتحن مثلنة
كد ما نفكر بيك طردونة اهلنا
كلي انت هم تشتاك واتحن مثلنة
كد ما نفكر بيك طردونة اهلنا
تبجي انة روحي عليك شايف بجي الروح
مو دمع من العين تزارك اجروح
لبست سواد عليك كلهه على فركاك
بس الشعر معذور فك حزنة بجاك
خشبة اصبحت مابين كومة نجاجير
والكسر من جبروة دكوو بسامير
لو غبت عن العين احسبهه شدة
واحرك ابدمع العين حتى المخدة
وشلة البقت بالعين حابسهه لجفاك
طاحت كبل ماكوم واتوادع وياك
من جرحي دم ما سال ياعالم الغيب
بس من هجرني هواي منهن طلع شيب
اتمرض ابلياك واشفة من الاكيك
تجرحني من فركاك واتكول اداويك
دمتم من الله بخير وسعادهـ دايمه..
لكم مني كل الود والاحترام
