اذا مو بيك اسولف انه ما موجود

[Noor Aldeen]

اذا مو بيك اسولف انه ما موجود
لأن بس بيك اسولف كل وكت انه
تدري انته بمكانك بيه وين يصير
بس شويه اوخر تطلع هنانه
وموبس اني احبك ...انه وانه هواي
وبعد من عندي عشره أنحبك ويانه
ادري .. انته بشر بس هالخضار منين
ابو البستان شافك حرك بستانه
والورد من شاف طولك بس عليه مريت
ما يقبل بعد يكعد بسندانه
ادري شلون رأيك يعني كلنه انموت
كول انموت كلنه منيين دفانه
الحانه وداعتك سكرت ناس هواي
بس انته الوحيد السكر الحانه
بتهوفن امس لو سامعك ماصار
يم صوتك امس جاكعدت الحانه
يلوموني من اشوفك اسكت من الخوف
عمي الشاف طولك ضيع السانه
ربك بالخلق سواك بس سواك
وانه وذوله مدري شلون سوانه
لاتنطينه عين ايجوز نلهس بيك
بس انطينه جارك نشتم بدانه

بس اوكف دقايق رحمه للعباس
بس اتمر عليك اتطيب مرضانه
احنه بلايه نخوه انموت كلنه عليك
جا شنسوي اذا فد يوم تنخانه
اذا بس انته بيه الدنيه جنه اتصير
واذا مابيه انته الدنيه خربانه
انه الدوم احبك مستحيل انساك
واذا انساك صدك هذا مو انه​

 

[الامبراطور]

رد: اذا مو بيك اسولف انه ما موجود

وموبس اني احبك ...انه وانه هواي
وبعد من عندي عشره أنحبك ويانه
...........
ادري شلون رأيك يعني كلنه انموت
كول انموت كلنه منيين دفانه
............
الحانه وداعتك سكرت ناس هواي
بس انته الوحيد السكر الحانه
.................
فضلا عن بقية الكلمات والاحاسيس والصور الشعرية الروعة
اعجبت بها كثيرا
زادك الله تالقا وابداعا ​

 

[Noor Aldeen]

رد: اذا مو بيك اسولف انه ما موجود

تألقت بقدومك غلاي

كل الهلا بشخصك الرائع

 

[Pгιиċεѕѕ Ńoυгнaη »❥]

رد: اذا مو بيك اسولف انه ما موجود

كم محظوظين نحن بقلمك الذهبي
وكم تسعدنا حروفك
عندما تحرك فينا
احساس غريب وجميل
عندما نبحر في روعه كلماتك
وعذب مفرداتك
لترتبها بعبارات جميله
وتقدمها لنا على طبق من ذهب
سلمت تلك الانامل
وشكرنا وتقديرنا الذي نعلم
لايفي بشي امام ابداعكj-(