ارجع بشريط الذكريات وعيش شويه من طيبة زمان

[جبروت أنثى]

ارجع بشريط الذكريات وعيش شويه من طيبة زمان


السلام عليكم



قبل جانت الجرباية موجودة بكل بيت عراقي
ويصعدن البنات العصر ويرشن السطح
ومن تغيب الشمس يصعدون الدواشك علمود يبردن شوية ورة شوية تصعد العائلة وتصعد وياهة صينية الركي الزين. بعد ماتعشوووو.....
ويصعد الحجي ويكول وين الجاي......
ويصعدون القوري الجاي المهيل
مو الحجي يدخن ....وتبقى تسولف ويانة الحجية
لحد مانام .... نكعد الصبح الشمس تصكع بيك وننزل ركض تريد تكمل نومتك تتفاجئ بلحجية تكلة يلة مامة غسل وتعال تريك علمود تروح للمدرسة
انتة تنعقج بس مغصوب.....
ادري بيك جاي تقرى وتضحك وتذكر هاي الايام الحلوة كمل القراية....
گبل چان مصروفك ٢٥ دينار ب اليوم
و چنت من تاخذ ١٠٠ دينار تحس روحك ملك زمانك

تگعد ساعه ٦ و نص الصبح و تطلع ب ال ٧ ونص و تروح مشي للمدرسة

چنت تنتظر امك و هيه تحطلك اللفه ب الجنطه و تطلع

چانت المدرسه ٦ دروس و تعب بس ما چنا نحس بشي و اذا غاب الاستاذ اكبر فرحه تصير

چان حايط الصف نكتب عليه اسامينا و راسمين قلب حب عليها

چان الخوف من حل الواجبات اكبر خوف لان الاستاذ چان عنده رهبه چبيره

چانت الفرصه اكبر فرحه عدنا چنا نركض نطلع من باب الصف حسبالك طالعين افراج من السجن


چنت احط ايدي على چتف صاحبي و نروح چانت ضحكتنا راس مالنا و ماكو مكان للهموم جوانا

چان الواحد يروح تعبان للبيت و يذب الجنطه ب الباب و يصيح يووومه شمسويه اكل

چانت الطوبه مال منطقه نايلون و بس الطاگ عنده طوبه كبس و الگول طابوكتين و واكف وراه واحد يصغر و يكبر بي بكل هجمه و الملعب بنص الشارع و السمين يوگف گولچي

زمااان
‫�العشا خفيف‬

‫و تگعد تنتظر امك تسويلك املاء‬

‫كل ما تشوف طياره تسلم عليها و تگول مع السلامه‬

‫چنا ننتظر نصير بصف الخامس حتى نكتب ب القلم الجاف‬

‫تسئلك امك ساعه شكد تگللها الچبير ع الاربعه و الزغير ع السته‬
‫�نحس بإنجاز وفرح وشي عظيم إذا طلعت الشمس واحنا بعدنا ما نايمين‬

‫ننتظر الامتحانات علمود ماناخذ جنطه‬
‫و ننتظر النتائج علمود نكشخ من نروح ناخذها‬
‫اكيد سويت شي منها او تقريبا كلها‬

‫من چنت زغير رسمت الشمس بزاويه الورقه‬

‫چنا نسد باب الثلاجه شويه شويه علمود تعرف شوكت يطفى ضواها‬
‫�حاولت توازن مفاتيح الكهرباء بين on و off‬

‫اذا واحد من اهلك طلب منك مي يشرب تشرب شويه قبل ماتدخل و تمسح شفتك علمود محد يعرف شربت منا‬
‫�اكيد انت تبتسم الآن على هاي الايام الحلوة .‬
‫�وما ننسى قمة الفخامة ايام الابتدائية�لما ينطيك الاستاذ طباشير و أوراق ويگولك وصلها للاستاذ في الصف الثاني الي يمنا�تفوت عالصف گدام الطلاب وتحس حالك مبعوث من
لأمم المتحدة ‬

اكيد هسه انت/ي تبتسم و رجعت شريط ذكرياتك و حسره بداخلك
لان چنا على نياتنا و گلوبنا صافيه خاليه من الحقد و المصالح





ملاحظة
هذا الموضوع شفته على قناة احد اليوتيوبريه
وشفت هالمنشور لأحد الأخوه بالتعليقات وبكل امانة
نقلته لهنا اعرف اكو هوايه اعضاء من كلا الجنسين عاشو مثل هاي اللحظات الحلوه رغم البساطة بس هي كانت الأجمل والأصدق
منقول بالكامل بس العنوان من عندي وعذرآ لان هو باللهجة العراقيه ( العاميه )

 

[مغلق]

رد: ارجع بشريط الذكريات وعيش شويه من طيبة زمان

كلش ححلووو الموضوع حبيبتي
وايام قبل همات حلوه بس مملحكه عليهن
كولهن ) شكـرَاًً عَے الموضوع المميز غاليتي s=151 s=151

 

[استاذ العاشقين]

رد: ارجع بشريط الذكريات وعيش شويه من طيبة زمان

البعض منّا صاهرَ هذه الايام والبعض الاخر سمِعَ عنها

رغمَ بساطتها اكيد كانت اجمل من هذا الزمن وكلما تتقدمُ السنون

نقولُ الماضي اجمل حتى وان كان الماضي قريب ..

موضوع فيهِ ارجاع للذكريات فعلاً كما تفضلتي يا جبروت ..شكراً لجهدكِ وتواجدكِ

 

[جبروت أنثى]

رد: ارجع بشريط الذكريات وعيش شويه من طيبة زمان

كلش ححلووو الموضوع حبيبتي
وايام قبل همات حلوه بس مملحكه عليهن
كولهن ) شكـرَاًً عَے الموضوع المميز غاليتي s=151 s=151

ع اساس اني ملحكه عليهم هم مو مهم
اهم شي عمو حبيب ملحك عليهم خطيب حنانو :d:d
منوره حبي رقة انثى

 

[جبروت أنثى]

رد: ارجع بشريط الذكريات وعيش شويه من طيبة زمان

منور مديرنا الغالي

 

[الشيخ]

رد: ارجع بشريط الذكريات وعيش شويه من طيبة زمان

كل سطر احس به

كأني انا من كتبته



علاوه ع هيك ايام

تسلمين جوجو ع الطرح

امتناني

 

[زهراء]

رد: ارجع بشريط الذكريات وعيش شويه من طيبة زمان

ايباااااه ايام تخبل والنبي
بس بعض الفقرات لسة اسويها لحد الان


شكرا جبروت غاليتي
لاعدمنا ابداعك

 

[زهراء]

رد: ارجع بشريط الذكريات وعيش شويه من طيبة زمان

ايباااااه ايام تخبل والنبي
بس بعض الفقرات لسة اسويها لحد الان


شكرا جبروت غاليتي
لاعدمنا ابداعك

 

[جبروت أنثى]

رد: ارجع بشريط الذكريات وعيش شويه من طيبة زمان

كل سطر احس به

كأني انا من كتبته



علاوه ع هيك ايام

تسلمين جوجو ع الطرح

امتناني

منور الشيخ الغالي الف نيالكم
عشتو مثل هالأيام الحلوه

 

[جبروت أنثى]

رد: ارجع بشريط الذكريات وعيش شويه من طيبة زمان

ايباااااه ايام تخبل والنبي
بس بعض الفقرات لسة اسويها لحد الان


شكرا جبروت غاليتي
لاعدمنا ابداعك

منوره ياروح جبروت
حلوه ايام الماضي اكيد