اسأل العضو الي بعدك سؤال محرج

[فتنةة العصر]

فديتج حبي فصولة
فد مرة من كنا مسافرين المدينه المنورة
رحت بقالة عود هاي ابو البقالة هندي وايد
شايف نفسه وربي على شنو ماادري
متت ضحك هههههههههههههههههه
المهم انا من كنت اريد احاسب جانت
علبة برينجلز بالكاع هو المكموع فكرني
اني وكعتها عالارض كال وهو معصب
ليش يسوي كذا. انا همين عصبت كلت
اله مو انا
كال الي وهو خايف طيب شيلو شنو
المشكلة وربي ولاعبرته هو اللي شاله
من الكاع

طيب
يكرر هههههههههههههههه

 

[أبن البصرة]

مرة كنا بسفرة لايران اهلي ويانا و خالتي ، ف والدتي وخالتي كانو يشترون من محل اسواق وانا واخوي من محل ثاني من اجينه يمهم نقصو فلوس كالو كملوا علينه نقصنه ، زين نباوع مشترين شغلات بسيطه حسبناهن انه واخوي طلع ماخذ منهم يمكن 3 اضعاف هاذ ابو الاسواق الايراني ههههههه كناله حسابك بي غلط ورجع الباقي وخذه عل كد مامشترين ،، الله اعلم متقصد او خطا ، بس يمكن بگلبه كال هذول منين طلعولي ههههههههههههه


يكرر بعد ?

 

[وهج الحروف🔥]

طبعا اني اسافر وحدي دائما
مره عجبني اروح لشمال ايران وحدي
فدخلت مقهى شعبي يسوي ريوك
طلبت ريوك وتوني اريد ابلش
اشوف شاب يدردم عليه بالفارسي
والناس كامو يباوعون عليه ،بديت اكل
وهذا مستلمني دوودودد ددو،اني ساكت
بس فهمت منه ، انو آني مسويلي مشكله
واني توني جاي للمدينه ههههه
بس واحد متوسط بالعمر ، كام يدافعلي
ويحجي على هذا الشاب وارتفع صوتهم
ورجع الشاب يباوع عليه ويحجي
اني رديت عليه
اشتباه ( يعني انت مشتبه)
شو من كلت له اشتباه ، اشوف هذا اللي دافعلي
كام يصيح ع الشاب ويرزل بيه ههههه
كلت هذا شلون اشكره على دفاعه عني.

تالي كمت ودفعت حساب الي دافع عني ومايعرفني
هو تخبل ههههه
اجا سلم عليه واعتذر مني .
عاد اني باقرب تاكسي الى طهران .
جان ورطني هذا الشاب واني ماعندي لغه
ادافع بيها عن نفسي بس الله هيأ هذا الرجل.



تعبتونه بالكتابه هههه


طيب
لو يتحقق لك طلب اعجازي
مثلا
عودة ميت عزيز عليك ،، من تختار؟

 

[فتنةة العصر]

اتمنى عودة اختي وحبيبتي للحياة
الله شكثر احلم بتحقيق هالامنية
المستحيلة وحق العباس

طيب
قول لنا شنو اللي بالحياة يعكر مزاجك وايد

 

[وهج الحروف🔥]

الخذلان
ان يتخلى عنك من كنت تظنه يفتديك.

الكذب
وانت الصادق معهم بكل وضوح
وتكتشف انك مغرر بك ، وصرت ساذجا
بحسن نواياك .


خوش سؤال
يمرر

 

[شَمَّـمْ🤍]

النفاق ..


شئ ندمت على فعله؟

 

[فتنةة العصر]

اني اعطيت كامل ثقتي لأشخاص لاتستحق
طيب
يكرر لعيونج حبي شمم

 

[وهج الحروف🔥]

اساءتي الاختيار
في اهم قرار .


يمرر ايضا

 

[حنان البصرة]

ثقتي ببعض المرضى

يكرر

 

[فتنةة العصر]

اني سامحت وايد وخاب الظن
طيب
يكرر شنو ورانا غير نكركر