رد: مع ڪْلِ صدمة يزداد حجمُ كبريـائي فـ يامنْ ڪْنتمْ أحبتيْ زيدۈنيْ كبريـاء
رســــــــــــــــــــــــالة .
لا توكف اباب الباب مسدود
سديته بقفل متروس زنجار
كتلك صير ولفي _ ولفي احتاجك هواي
ماردتك تصير لضلعي بسمار .
بكلهن عاكستني وما اهتميت _
ولاجني على زندك عايف آثار .
ولاجني علمودك كاعد الليل ..
ولا جني بغايبك داخل انذار ...
كلشي مخضر بروحك بده يموت !
ومن كتلك كلت مو ذنبي الأقدار!!
عشت برايك تمشي وراي مفكود ؛
جبير وكعدتني بنص الصغار ؟
كلتلي الدفو بروحي وكتلك شلون
كتلي شلون كتلك حضنك الحار.
مامنطيني فرصة اتفاهم وياك
عمر كاعد بكلبي وادفع ايجار.
لاانت التحبني وعايش وياي ؟؟
ولا حظ بيه خاطر غيرك احتار !
جبتهة وياي تزعل وأنه اراضيك
وجبتهة وياك ازعل وأبقى محتار.
وتواعدني وتلكي الرايده يصير
ومن يوم العرفتك كلشي ماصار....
بس عن حلفة الله سوايتك ذيج ؟
من دون المواقف بقت تذكار
تجيني وجن صوجك يمشي وياك
يالشايل بصدرك جومة حجار
الحسرة
وخنكتي
ودمعاتي
والليل
وعيوني
وحجيهن
وضحكت المار
اجتي وعبرتهن عني لهناك
وبدن وانتهن ماضليت محتار
وما خليت واحد يلزم الخيط
بدي شديت كل جروحي الكبار
وصغرت بروحي كللللللش والحجي هواي
يالماخذ بغدرك كل الأدوار
لاتوكف اباب الباب مسدود
سديته بقفل متروس زنجار..