وين المتعه لمن تمثل حبك لشخص ؟ لما تلعب بمشاعره ؟ لما تعلقه بيك ؟ لما تكون روتينه اليومي لما تخليه يعشق ادق تفاصيلك لما تخليه يهديك قلبه لما تخليه كل تفكيره انت ؟ وبعدها ؟ تمل من التمثيل وتبطل كل شي كنت تسويه اله ويجي يعاتبك ويسالك شنو الي غيرك ؟ ليش ما تسال ؟ ليش كاعد تبتعد ؟ لَيـِْش تحسسني اني ما اهمك ؟ وبعدها راح تمل من التمثيل من عتابه وتريد تتركه شنو تكوله ؟ تكوله لا عادي بس والله ترى كنت العب عليك ما عندي ولا ذره حب الك بقلبي او يمكن تبدا تخترعلك اعذار او يمكن تمسك عليه شيء وتخلي اللوم كله عليه وبهاي الحاله تكون ريحت ضميرك ؟ افتكيت من علاقتك بيه ؟امانه ما فكرت شنو راح يصير بيه ؟ شكد تكسر راحته ؟ شكد تعقده من كلمه احبك ؟ شكد من قرب احد ؟ وشكد يتعذب لما يتذكر كلامك ؟ وعودك ؟ وكذبك ؟ حرام والله شويه ضمير الله يسامحك بَس لا تنسى ان الدنيا دواره ويجي دورك