اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[نبض الحنين]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

........ شتهيت اضحك ......
صاحو بيه لا تضحك
ندري بضحكتك دمعات وتفضحك
حرام الضحك للجوعان
كلت بس ابتسم
كالو غرامه ضلوع
شرط متخمره وي الجوع
نجمعهن
نرد اردود نحركهن
بلكت يدفه جم بردان
حركت احلامي فجريه
وعشت ضلمه
صرت واحد يحب حرمه
خلص عمره بس سكران
مو سكران من خمره
دايخ من عطر محبوبته السمره
ونسيت اضحك
عفته الضحك للشبعان

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

احتا من أشوفك..شلون أوصفك
اذوبن انه والله بلمسة جفوفك
بس تعال..بعدك طال
هم.اصدك اني أشوفك
لو خيال..عذبت الحال
شوف لجيتك كلبي ملهوفك
والله لو تمرني لحظة يفتح كلبي عيونة
ويصيحن حلال *
بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

منورين بأشعاركم الحلوه وروود

لي عودة

...

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أكتبلك نعم
همساتي والكلمات
وأحجيلك عشكَـ
من بين الإضلووع
يعني بالنبض
والريه والشريان
تعال اسمع حبيبي
الصوت مسمووع
كل نبضة كَلب
تكَول أحبك موووت
ويرجعهه الصدى
لأنفاسي وتمووع
وأظل ما بين طيفك
وبين الأوهام
أخلص الليل كله
وكَلبي مشلووع
وأظل أتخيلك
باحضاني وأشبكَـ بيك
ونطفي الشوكَـ بينه
ونرجع ارجووع
ويامحلى الوكاحه
من تصير اوياك
وانته بالحضن
وبوسطه مزرووع
مشكلتي أحبك
هيج من اللــه
وكَلت شوفوا حبيبي
مضوي الاشمووع
وغيرك منهو غيرك
يرهم اويااي
بس انته اريدك
وانتهى الموضووع

...

بقلم مُخلد

الآن

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

على الشبكات مفطوم.كلبي.عليك
وعلى دفو احساسك.تنام العين
لوعني غيابك.وجمر صار البعد
ودليني على شوفتك...واحتار وين
انه من الصغرر كبرتك.بعيووني
واحس لحظة غيابك.جنهن سنين
بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

محتاجك حضن ومداعب وبوسات
وليلة امن الليالي بغرفة وحدنه

ونسولف بالشفايف مو حجي وكلمات
نعصر كلشي بينه وتطلع الونه

وننساهه الذنوب وننسى الإعتاب
ونسوي الماكو أحلى وأحلى منه

وأحجيلك غزل و شسوه بيه الشوكَـ
وبرمان صدرك راح اطلعنه

وننزل بعد أكثر والوكاحه أهواي
وصدرك ما أعوفه وبيدي اعصرنه

ولك انته حبيبي والعب اوياك
شما راد الكَلب للموت استرنه

مجنون بغرامك واشتهيك اهواي
ومحصور الوكت والفجر حاصرنه

وانته مشتهيني ومعترف يهواي
ولهذا السبب الأنفااس تجبرنه

يله ياحبيبي وخلي نرتااح
ومنخلي غزل بالدنيه يعبرنه

وما نتعب حبيبي واحنه بالأحضان
ومن لذه نذوب ولذه تشمرنه

يعني للصبح باللذه غركَانين
ومحلاه الحضن واللذه تاخذنه

....

بقلم مُخلد

الآن

 

[رودينا]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

وك تهل يمته واشوفك يل شوفتك عيد

يل حظنك وطن كافي عن عيني بعيد

ياجمر شوكي ولهيبي يانبض كلبي والوريد

انت امسي وحاضري وحياتي من غيرك نهيد

تدري انت عطري المفظل وغير عطرك ما اريد

تدري انت النفس بيه ولحضه دونك مااعيش

وتدري انت حبيبي وعمري كله وكلبي وياك سعيد

وتدري انت طبيبي وغير طبك مايفيد

بقلمي

 

[رودينا]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عاد شلون بيه انه من تروح

جروح كلبي تهيج كلها وماينفع بعد ضميد
كون اشوفك واعرف احساس بدوني

شلون بالله كلي شلون عايش

هم تاخذك صفنات هم تضحك وانا بحسرتي

وانه الي بدونك تنزل دمعتي وهذه

كلها اعيشه صدك بس من تبعد علي

متكلي شنو انتة الخاطرالله كلي شنو

شكلك انتة لغز هد حيلي ومايرضه يحل


فدووه لك عيني كلي انتة منو

بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

وياك العشك.جنة..والطعم.سكر
واحب كلشي بوجودك .وانت يمي
اتانيك بكلب ملهوف .ونبض جمر
واحس عشكك يجري.وي دمي
لو عني لحظة تغيب.والله نار
واحس بغيبتك جبال يصير همي
بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اباوع صورتج وبروحي الف آآه
ومحتار بجمالج انتي يبنيه
بياض ورقة واجمل وجه بالكون
وترافه بالجسم والشفه ورديه
والأكثر بعد سحرتني الإعيون
وما اسولف بعد الأوصاف سحريه
يعني المُختصر ماينحجي ياناس
ماشايف بشر شفت آنه حوريه

وشكراً جزيلاً
هههههه

...

بقلم مُخلد
الآن