اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لا لا شاركي بالعكس
كولنه هوااة
وقلمج راقي رائع

))))

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

سالفتي وصفتني وروحي ضلت بيك

يالمبعد حبيبي شبيك فهمني

تعال اكَرب حبيبي وكيد بالعذال

صدكَني ابتعادك حيل دمرني

فرحانين يمكن مختلف وياي

حقهم والبُعد ياعمري حطمني

علمني بطريقة انسى بيها الجان

والأحسن بعد بالحضن علمني

هيج أحسن بعد لمن تصير وياي

وانته بكلشي منك والله حارمني

يافركَه التصير وأبقى مرتاح

صدكَني الهَجر بالروح سمَمني

)))

قلمي

 

[yara7]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يخنگني السهر
واتنفسك نعسان
وانام وذكرياتك
ب الچفن تفرش
وطبعا مووو بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

نيمتك على جفوفي من جنت نعسان

وانت من عيوني طيرت حته النوم

حاجيتك فرح من جنت مهموم

وانت بدمعتي تتونس كل يوم

اكضي الليل اسؤلف للكمر عنك

وانت تعوف الكلب متلوع وملجوم

بقلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

روعااات

لي عودة

طلعة مؤقتة وراجع بعد ساعتين هههه

))))

 

[yara7]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لا تبچيــــن!!!!
دمعج والكحــل غاالي!!
خلي خدودج موردات…
فشــله يذبلــن گباالي!!!

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ما أكتب أبد وتكسرت الأقلام
دامك ياحبيبي كلشي ما تقره

يله مو مهم المهم انته وياي
وتعشكَني بعد مو مره الف مره

ونخلصهه الليالي نحجي الاشواق
ووياك الحجي محلاه بالسهره

ونتعارك حبيبي مكامش من الروس
وبحجة شقى انطيك الف دفره

ويعجبني احترامك من تكولن لا
تدفرني نعم وما ارجع الدفره

هههه

فدوه لاحترامه كلشي بالكون
ويمن فدوه الكَلب لشفافه الحمره

مجنون بغرامه كلش وولهان
وما اصبر عليه وكَلبي شيصبره

من بيه التقي والايد بالايد
وتكون المسافه نص ربع متره

احس انفاسه نار وتشتعل بالروح
ونذوب اثنينه بالحضنه والعصره

وما يبقى أبد محضور بالكون
كلش ننطلق ونمحيهه الحسره

يعني المختصر ماينكتب ياناس
بس ممكن طلاسم نكَدر نذكره

ولك تبقى طلاسم ياحبيبي وياك؟
مبين بالعيون شصار واليجره

من لمعة عيونك والشعر منثور
ومن دكَمة قميصك الانفتح صدره

وانا معدل ثيابك بس اشاقيك
تدريني الغصن لأوراقك الخضره

ابقالك جذر ياعمري للموت
ومن غير الجذر متعيش أبد شجره

))))

قلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أين أنتم ياقوم؟؟؟
هل من مبارز؟؟

ههههه

)))

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اشتاقك حبيبي وابقى اشتااق

وهاي الروح من بعدك تعاني

مو طبعي اشتياق واعرف اشتاق

بس انته ياغالي شكل ثاني

شوف انته اشتياقي واحكم اوياي

ولك اشتاقلك بحلى المعاني

ومو بس اشتياقي ولهفة الروح

ولا ليل البجي ودمعة زماني

نبضات الكَلب هم تشهد اوياي

وتهديلك بعد أحلى الأماني

وتتمنى حبيبي تعيش مرتاح

وهاي الامنية بكل الثواني

)))

قلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اشتاقك حبيبي وابقى اشتااق

وهاي الروح من بعدك تعاني

مو طبعي اشتياق واعرف اشتاق

بس انته ياغالي شكل ثاني

شوف انته اشتياقي واحكم اوياي

ولك اشتاقلك بحلى المعاني

ومو بس اشتياقي ولهفة الروح

ولا ليل البجي ودمعة زماني

نبضات الكَلب هم تشهد اوياي

وتهديلك بعد أحلى الأماني

وتتمنى حبيبي تعيش مرتاح

وهاي الامنية بكل الثواني

)))

قلمي