اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[رودينا]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ماشي وبامرك حبيبي

رايحة ومارد ابد

انا موكلمة التجرحك

وانت كلمات تهد

كافي شك وغيره كافي

كافي مو كلبي خلص

مادريت بكل قساوه

تملي عيوني بدمع ادري

بيك انت البعتني

وادري هم غيري شفت

بس اكلك يا حبيبي

وخلها ابالك للابد

انت عمري وكل حياتي

وهواايه لكليبك صحت

عيا كلبك ماسمعني

وهسه بكل قساوه تكلي

امشي ...

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

روعه رودينا

هذيان شعري حلوو

جداً عجبني

)))

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تدري انته اشكَد أحبك؟
والله مجنون بهواك
ماخذ انته أفكاري كلهه
ماخذ الكَلب بسماك
روحي فدوه
تروح لأسمك
والعُمر كله فداك

انته يانور العيون
يا ابو الكَلب الحنون
لو تهون الدنيا عندي
انته عندي ما تهون
ومثل ما كتلك حبيبي
عشكَي الك حد الجنون

)))

تراتيل

 

[رودينا]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

الله عليك رااائع بل اكثر

راق لي جداا احساسك

ابدعت .. تراتيل العشق

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

الإبداع أنتم عزيزتي رودينا

دمتِ بعطر الورد

)))

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مشتاكَـ اضمك حيل مشتاكَـ أحضنك
أهااتي والحســــــرات ياعمري منك

)))

تراتيل

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ساعة مرت وانته ماكو
وتدري بالساعة طويلة
لحظة لو مرت بدونك
والله أحس روحي عليلة
يالخذت كَلبي بغيابك
يالصرت نبضه ودليله
تدري بيه أهواك تدري
وعشكَي الك ماكو مثيله
تدري بيه أشكَد أحبك
وتدري ما ظلت وسيلة
ولو كَلت للموت أحبك
ياحبيبي هم قليلة
من يجي الطيف بمنامي
أفرح وأرفض رحيله
لأن باحلامي أشوفك
والأحلام اشكَد جميلة
مره ابوسك مره أشمك
واحنه باحضان الخميلة
ومره أزيد بالوكاحه
والخجل عنك اشيله
واوووف يا هاي الوكاحة
تشعل بكَلبي وتجيله
وننسى كل الدنيا والله
وننسى الأحزان الثكَيلة
يعني باحضاني حبيبي
وأزرع بحضنك فسيلة
بكيفي بستاني وأحبه
والغرس نفس الفصيلة
وانته ماتكَدر تعارض
الفكرة ياعمري نبيلة
انته من الله حلالي
وكل شخص يحضن حليله
)))

قمة البراءة ههه

بقلمي
الآن

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

للبعدي

باحلامي اشوفك

 

[رودينا]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

باحلامي اشوفك صدكني كل يوم

وانا من عرفتك ماضكت طعم النوم ..

زين شلون حلمت بيك لعد هههه

 

[رودينا]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ترتجف اوصالي صدك بس من الاكيك

للبعدي