اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

شلون ، أجيك ،، كلي بيا درب دليني


تبتعد تروح..واحتار بالصفنات

ضيعت كلبي بغرامك ضيعت سنيني


حتة عيوني حبيبي عليك. متعلمات

لا تجي ، اخاف تفزز جروحي بيك

لان احساسي بعدك صدكني مات

بقلمي

 

["شہــاه زنـــان"]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اليثكَل بوجهي بعد #ماريده .
يرحل يبقه هاي ضلت #بيده
.
عندي ناس هواي منتظرة #كــلام
.
عدهم عيد بيوم اردلهم #ســـــلام
.
اليكره شوفـتي احسابه خل #يعيــدة


مو قلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لعيونك الحلوه أكتب الأشعــــار
ولروحـــــك حبيبي روحي أهديها

اكتبلك غزل لا تظن مكتــــــــــوب
واهديلك قصيـــــــدة بكل قوافيها

أكتب بالحـــــروف وآني افكر بيك
واتذكر قصص مــالحظـــة ناسيها

اتذكر حبيبي من كَلتلي أهــــــواك
واذكر كل (أحبـــــك) انته حاجيها

اذكر كل غزلنـــــــــا وكلشي كَلناه
واذكرها الاحلام وكـــــل أمل بيها

اذكـــــــر من اجيت وجنت مهموم
وبحضنك الـــــدافي دمعتي ابجيها

اتذكر حضنتك وجن حضنت الكون
ونسيت الدنيا كلهــا شبيها مابيها

راحت كل همومي بملتقى الشفتين
وطابت كل جروحي الجنت اخفيها

يكولون الأحضان تداوي الاجروح
واحضـــانك حبيبي لكلشي تشفيها

عصافير المحبــــــة انته يامحبوب
وانهـــــــــار الحنان بكل شواطيها

يا اجمل حلـــــــم تبقى الحلم والله
تبقى انتـــه لحياتي شمعة تضويها

تبقى انته الوطـن يا أغلى مخلوق
وكل اعمـــــــــــــارنا للوطن نفديها

تبقى انتـــه حبيبي وفرحتي بهالكون
وشنو تسوى الحيــــاة وانته مابيها؟

وشنو تسوى الحيـــــاة وانته مابيها؟؟؟

....

بقلمي

 

[قيصر الحب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

شمحلاه الزمن لو جنت وياي
وشمحلاها الحياه لو نجتمع بيهه

شنو يسوه عمرنه نخلصه بالزعلات
واجروح الكَلب بدموم نبجيهه

شنو رأيك حبيبي اتفق وياك
ننسى احزانا وللأبد نطويهه

وندفن كل زعل ونمَوت العذال
وإشموع العشكَـ بالفرح نضويهه

واحضنك وابتسم وارسم على الشفات
بوسه وللشفايف روحي تهديهه

وبحجة شقى ابقى أبَوس بيك
وأحس انفاسي تصعد ماترد ليهه

ومااستثني كلشي وماكو ممنوع
وننزع كل خجل والخجله نمحيهه

ونغمض اعيونه ونحقق الأمال
ونكتب صرنه واحد ماكو ثانينه

واروح اوياك عمري بعالم الأحلام
ونغفى بالحضن احنه وليالينه

وتسألني حبيبي كَلي شنهو الصار؟
احس الدنيه حلوه والطعم بيهه

معقوله العشكَـ هالكَد حلو وياك؟
ومعقوله الغرام الجان مالينه؟

وأجاوب مبتسم أي ياحبيب الروح
هاي أشواكَنه غطت موانينه

وحققنه جزء والباقي عالايام
مثل ارواحنه نربط اسامينه

وماكو مستحيل بُحبي وياك
أقهر كل حواجز وكتي بانيهه

وانا الفارس حبيبي الماخذلتك يوم
احارب هالزمن وأهزم ميادينه

واحطم كل قلاعه واهدم السور
وأكتبلك حبيبي بنص حياطينه

ونتيجة هالنصر راح ارتبط وياك
ونضحك على الدنيا العاندت بينه

ونبدلها حبيبي بدنيا للعشاكَـ
واشموع العرس تضوي بصوانينه

وننثر بالورود بكل درب شفناه
ونذكر كل سوالفنه وحجينه

وبدموع الفرح اكتبلك أهواك
وننسى ادموعنه النزلت حزينه

وماطولك حبيبي عالعهد وياي
أخلي الكون يهتز من أسامينه

.....

بقلمي

 

[راما الحديثي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ګلَيِّ مَنِ يِّأّطّيِّنِهِ ربِګ خَأّلَقِګ
أّلَجِمَأّلَ أّلَبِيِّګ أّبِدِأّ مَأّ يِّنِوِصٌفِّ

أّلَنِأَّّس مَنِ تّشٍوِفِّګ تّبِقِى مََّسطّوِرهِ بِيِّګ
وِأّنِهِ أّذّأّ شٍفِّتّګ أّظّلَ أّرجِفِّ رجِفِّ

أّنِتّ مَوِ بِشٍر لَأّنِ مَأّ مَعٌقِوِلَهِ هِأّأّأّيِّ
أّنِتّ مَلَأّأّګ وِأّګدِر أّحٌلَفِّلَګ حٌحٌلَفِّ

أّنِتّ وِأّحٌدِ وِأّلَنِأَّّس مَتّخَبِلَهِ وِرأّګ
شٍلَوِوِنِ لَوِ مَوِجِوِدِ مَنِ عٌنِدِګ أّأّأّلَفِّ ؟



خَربِشٍأّتّيِّ

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حلو قلمج راما
والقادم أحلى أكيد

.....

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مجنون بغرامك صرت مجنون
وتعرف بالغرام العقل مو ثوبي

أحضنك ياحبيبي وأكَعد اوياك
واشوفَنك عشك اشمالي وجنوبي

واخليك بغزل من الصبح لليل
وباحلامك اجي والعب لعب جوبي

واشمنك وابوسك وانزل وياك
واكمل للاخير الهجع والهوبي

واناديك بهمس لمن تذوب الروح
سولفلي حبيبي؟ شلونه الجوبي؟

ويامحلى الخجل وانته الخجل بيك
من تكَول احبك واكَرب لصوبي

لخلي كل حياتك فرح وافراح
وبصوت الفرح الاحزان وج توبي

وارسم على ايامك كَلب عشاكَـ
واكتب على كَلبك هذا محبوبي

واباهي الناس كلها بارتباطي اوياك
ورب العرش شاهد على مكتوبي

:


بقلم مُخلد

 

[رافد البغدادي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

متصفح راقي وجميل

ومن خلال نميز بعض المواهب

شكرا لكم شاعرنا الجميل

وسيكون لي حضور ان شاء الله

تحيتي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أنرتَ عزيزي عاطف الأديب

أتمنى أن ارى نزف حروفكم الجميلة هُنا

لكم كل الود

....