اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اريدك...
تدري بيا من زمااان
بلهفه جيتك من بعد غيبة سنه
وآني متأمل اجيك..
وأرتوي منك حنان
تالي كل زرع الزرعته تكَطعه بيدك..!

بقلمي الآن

مممم كما قلت سابقاً ليس كل ما اكتبه هنا واقع ولكن هي افكار تراودني من خلال معنى الكلمه
عاد تريد متصدكَون هاي بقت يمكم s=208هههه

ياحسافه...

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ياحسافه


هذه مو كلمه بسيطه

هذه جمره منل الكلب

هذه حسره بس جبيره

يكوله الوضعه صعب

لو غريب بغير ديره

لو بصير تعثر بنص الدرب


ملاذي



​

 

[The last Don]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ملاذي

الوذن بيه يابوية ملاذي

عكب التعب شنو الي جنيته ملاذ أي

أحبك يا شريك عمري و ملاذي

ملاذ أنته للهارب خطية

بقلمي

....

للبعدي

من العين

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

من العين سال الدمع
سالت دموع اهواي


حفرت نهر بالوجن
من عيني هاي وهاي


يازمن كافي ظلم
ليش انته قاسي اوياي


من دون كل البشر
دمرت كل دنياي


لاأخو لا من أهل
لا صحبة الي بممشاي


اعطش انا الوحدي
وبعيد عني الماي


وابجي ليالي البُعد
وأبجي ليالي اصباي


وأحجي لنجوم الصبح
كل المُضى والجاي


ليش انتي يادنيتي
غطيتي حتى اسماي؟


بيوم البعث اشتكي
ولله بس شكواي


...


بقلم مُخلد
الآن

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تعال
........

 

[The last Don]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تعال أرد أخذ بوسة من شفاك

حبيبي و نشف دلالي من شفاك

تكَلي فكني يمعود منه شفاك

شأفكك خايف أنه تهوى أدية

بقلمي

محبوب القلوب

للبعدي

تراتيل

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تعال..
طفي نار سنين مشتعله بهواك
برًد الكَلب اليحبك
لا تغيب هواي عنًه
بعد ما يحمل تعب
ولا تتركه بحُركَه يتحسر وراك..

بقلمي الآن

ياحسرتي.....

 

[The last Don]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يا حسرتي على الراح راح و يه البعاد

أصفن و أكَل للروح سافر بمنطاد ؟؟؟

بقلمي

محبوب القلوب

للبعدي

وصفناي

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حبي مو وكت تراتيل هسه وهاي يراد اكتب ابوذيه
وهسه مغمض عين ومفتح عين يعني اذا اتورط اغفه بنصهه هههه
واعتذر ماشفت كتابتك كنت مشغول اكتب على تعال والمصيبه ما إجه هههه
البعدي مُخير بين تراتيل او ياحسرتي؟
او براحته يكتب ما مُقيد بكلمه

اشوفكم بخير

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اهنا يمن جنه وجنت شمالك رحت للمانيا

الجوع كافر ياترف خلينه ناكل باميا

ههههههههههههههههههه


عذرا من صاحب الموضوع ع التحشيش دخلت اشارك اشو حجرت ولا كلمه ههههههههههه


​