اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حلوو كولش حلوو​

....​

ماتدري أحبك حيل وانته أجمل انسان
انته الكَلب والروح وللعشكَـ عنوان​

...​

ماتدري أحبك حيل يا أغلى محبوب
لو شفت بيك الموت عنك فلا اتوب​

....​

ماتدري أحبك حيل وانته حبيبي
بلسم تظل للروح وحدك طبيبي​

..​

ماتدري أحبك حيل يالماخذ الروح
طيفك حبيبي اوياي عن بالي ميروح​

...​

ماتدري أحبك حيل وشلون تدري
ماتعرف الي يصير ولتكَلي أدري​

....​

ماتدري أحبك حيل يالروحي روحك
خليني احضنك حيل وأحضن جروحك​

...​

ماتدري أحبك حيل يالعايش اوياي
انته أمل دنياي والهوى والماي​

...​

ماتدري أحبك حيل يالبالي يمك
ومن انته جنت زغير روح أسال امك​

....​

ماتدري أحبك حيل وأتمنى اشمك
وأشهكَها للآهات وأبجيها يمك​

...​

ماتدري أحبك حيل يانور الاعيون
بيك آني هايم دوم وبيك آني مجنون​

...​

ماتدري أحبك حيل يابو العذوبة
أحلف بعد ما اغيب والتوبه توبه​

...​

ماتدري أحبك حيل ياأعز هالكون
صدكَني أمووت اعليك وبالعشكَـ مفتون​

....​

ماتدري أحبك حيل ياأغلى هالناس
انته النبض للروح والحُب والاحساس​

...​

بقلم مُخلد
الآن​

 

[ضــہہہــؤؤؤء القمــہہہــررر]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

رااجعتلك عمووو مخلد هههه

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عاشت اقلامكم.مبدعين.والله

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

بيه شوك.يشعل بجسمي .نيران حبك
بيه اه.تروح بشوفتك لو لحظه تمر..
احسك تمشي بدمي.وساكن وريدي
واحسك تشعل نيران جسمي وكلبي جمر

ااريدن لو بس تمر وتريح الرووح..
واكضي العمر يمك.هو كم عمر
بقلمي

 

[ضــہہہــؤؤؤء القمــہہہــررر]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

انته النبض للروح والحُب والاحساس

انته النبض للروح والحُب والاحساس
واني بفراكي اليوم جن شربت الكاس

انته النبض للروح وكل همي واشجوني
وكل عضمه مني اتصيح جبرلي اكسوري


انته النبض للروح والسر امانه
شكد لابس المنحوس ثوب الخيانه

انته النبض للروح وبسري مابوح
للكبر انه وياك من تنخطف روح

انته النبض للروح وكـ ماضل بعد حيل
حيل والف حيل والوكت نص الليل


انته النبض للروح والبيه بيه
ريت الاخذني البين وياه سويه

انته النبض للروح وبيك انه افكر
واسمك كتبته بشوك والكلب سَكَر

بقلمي المتواضع / الان
12/9/2015
السبت

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

الله عليج حبي ضؤضؤ تخبل وربي
ومخلد مبدع دومك ماكو قلم يجاريك
عاشق سيد ابداع وربي راقي
محبوب قلمك راقي وجميل جدا

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

هاحبيبي .احس الكلب تسرع دكاته ..
احس بجسمي نار وبشوفتك رعش
احس الروح وردت.وخفت اهاته
حي حبك من جديد.وكعد من نعش
مايوم نقص حبك.ولا زادت وناته
بكلبي انا اشوف ومايوم عنك رمش
بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

بعدي
جيتك زحف

 

[ضــہہہــؤؤؤء القمــہہہــررر]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تسلمين لنوووش دومج انتي المشجع الي ياقلبووشتي
وانتي هم بعد قلمج واحساسج راااقي وصافي
استغرب ع بعض الاعضاء يدخول للموضوع يتفرج
مع العلم هو اله بصمه وقلم لطيف لكن لايضع اي حرف
والله عجيبه هاي الناس ههه بدل ميشجع احسه يتنرفز ويشرد هههه

وعليهووم

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

جيتك زحف..
كوم يلا اتلكَه جيتي
وخلي نتشابك بدينه
وخلي كل الناس تتفرج علينه
ما يهم صدًكَ حجيهم
المهم نغركَ ابحبنه
وما يهم واحد يسولف عالجُرف..جيتك زحف

بقلمي الآن

وينك انته..؟