اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ظنيتك طبيب تداوي الروح

تاليها طلعت تذبحني بسجاجينك

عشت عمري لوعات باه مجروح

وصعب المسافات مابيني وبينك

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تجازيني بهجر

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حلوووه فاتنه ..




....


تجازيني بهجر ياعيني روح وروح


متهمني أبد ولتهمني أقوالك


ينداس الورد أعترف هم تصير


بس تكَدر عبيره تمسه أفعالك؟


المعاني السامية عنك بعيدة اهواي


دشوف شصار بيك وانظر لحالك


ما اريد الصديق اليحجي وجهين


أريد بظهري هو نفس الأكبالك


من يوعد أبد ميخون الإوعود


وتشوفه دوم احسن من الإبالك


مو بأول خلاف يصير وياه


تلكَاه بغدر باللحظة كتالك


....


بقلم مُخلد


الآن

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

كافي خلي أكتب عن الغزل مو راح امووت ههههه


....


اريد اوصف حبيبي عيونك الحلوات

يعاندني القلم ويكَول هيهات

شكتب عن سحر من أول الأزمان

خلى بالحضااره آهاات وآهاات

وعلى أول حرف انكتب بالتأريخ

ذاب الحرف بيهن وانرسم آياات

عيون المها بيهه انضربت الأمثال

حقهم ما دروا بعيونك الحلوات

لو شافوا عيونك والله بالحال

يغيرون المثل بالماضي والفات

عيونك ياحبيبي تجنن اهوااااي

وشفافك بعد وخدودك الوردات

يبو طول الحلو يسحرني كُلشي البيك

اريد افطرحبيبي اليوم بوسااات

من الركَبه بوسه وتطلع الآآآآآآآه

وبشفافك اريد البوسه عشرااات

ولا ما أكتفي من حسنك الفتان

اريد أكثر بعد مو عشره ميات

واذوب اوياك حيل وننتشي اهواي

ومو مره يعمري نذووب مراات

وكل مره بيهن تسوه هالكون

مجنوون بحبيبي والله كوماااات

..

بقلم مُخلد
الآن

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

الله روعة مخلد اشعارك راقية كحضورك

استمر يامبدع وين كلمة هههه


بلهفة اجيك

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

فتونه اذا اني او العضو اليكتب ما اعطى كلمه للبعده .. اكتبي بكيفج اي شيء هههه

وشكراً لكلامج انتم الأروع وكتاباتكم الأجمل..

....

بلهفة اجيك ياعمري

واشوفك حُب البصدري

واكولك انته مطلوبي

وحدك انته محبوبي

أحبك حيــل لو تدري

بلهفة أجيك ياعمري

....

تمر ايام وانت بعيد

واحس الرووح مشتاكَه

وابقى مناطر طيوفك

وأحلم يمته نتلاكَه

انته محبوب العُمر

ياحبيبي ياكَمر

أحبك آآآآآآه لو تدري

جنني الهوى العذري

وعشكَـكَـ هذا البصدري

أحبك حيل ياعمري

...

تبقى انفاسي متلهفة

و إلك كُل اشتياقاتي

واشوف الراحة بس وياك

ومع كل ارتياحاتي

انته النبض يالغالي

وحدك انته البالي

ومنو غيرك سكن صدري؟

أحبك حيل ياعمري

....

تدري من تكَول أحبك

أحس الروح تشهكَلك

وأحس انفاسي تتسارع

وكلشي بيهه يشهدلك

تشهدلك أحبك مووووووت

تنطقهه بعلوو هالصوووت

وانته بحالتي تدري

أحبك مووووت ياعمري

....


بقلم مُخلد
الآن

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مجنونه روحي بيك

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

هه لا فعلا مخلد انت باشعار خرافي وكلش راقي ماشي
مجنونة روحي بيك واعترف مجنون

تعالوشوف كليبي دكاتة متلهفة

تانيتك فرح وعد حبك مااخون

وحجي هواي واكف على جروف الشفة

 

[هلوسأأت مجنوؤن]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يعني وين الكلمة ؟؟؟
....
مو مشكلة راح اكتب من يمي وانطي للي بعدي كلمة
...
الكة نفسك يم طفل ماعندة راي
حسين ماضاك النهر بس كلة ماي
..........
الجرح

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

منور حبيبي الورده..




....




يلي فززت الجرح خله يطيب


وخلي كل إجروحي منك غافيه


لا تجيها بيوم وتصحي الجروح


بلكي بغيابك تجيهه العافيه


....


مُخلد